باتىس قازاقستاندا شەكاراشى سۋعا باتىپ بارا جاتقان بالانى قۇتقاردى

ورال. 19 مامىر. باتىس قازاقستاندا شەكاراشى سۋعا باتىپ بارا جاتقان بالانى قۇتقاردى. بۇل تۋرالى باتىس قازاقستان وبلىسى توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وقيعا 7 مامىر كۇنى بولعان. الايدا ول جونىندە تەك قازىر بەلگىلى بولدى. اتاپ ايتقاندا, №2036 اسكەري ءبولىمنىڭ راديوتەلەفونيسى ادىلبەك راحمەتوۆ جانىبەك اۋىلىنىڭ شەتىندەگى جاساندى سۋ توعانىنىڭ جاعالاۋىندا بولعان كەزدە, سول جەرگە جاقىن ماڭدا ءبىر توپ بالا ويناپ جۇرگەن. ونىڭ ىشىندە ءارتۇرلى جاستاعى 2 ەر بالا جانە 5 قىز بولعان ەكەن. كەنەت ادىلبەك «قۇتقارىڭدار», دەپ كومەك سۇراعان ايقايدى ەستيدى. ول دەرەۋ وقيعا ورنىنا جەتكەندە سۋدان بالانىڭ قولدارى عانا كورىنەدى. اسكەري قىزمەتشى ويلانباستان سۋعا ءتۇسىپ, بالانى امان-ەسەن جاعاعا الىپ شىعادى. وسى ەرلىكتىڭ ارقاسىندا بەسىنشى سىنىپ وقۋشىسىنىڭ امان قالدى. ايتا كەتەيىك, قازىرگى تاڭدا اتالعان دەپارتامەنت باسشىلىعى جاس ماماندى ماراپاتتاۋعا ۇسىنۋعا ۇسىنىس ازىرلەۋدە. تەمىر قۇسايىن. دەرەك, فوتو: باتىس قازاقستان وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.