• 20 مامىر, 2016

تاۋەلسىزدىك جىلدارى

300 رەت

كورسەتىلدى

1 مين

وقۋ ءۇشىن

Egemen Qazaqstan

965 مىڭ ادام ازاماتتىق الدى اقوردادا مەملەكەتتىك حاتشى گۇلشارا ابدىقالىقوۆانىڭ تورايىمدىعىمەن پرەزيدەنت جانىنداعى ازاماتتىق ماسەلەلەر جونىندەگى كوميسسيانىڭ كەزەكتى وتىرىسى ءوتتى. وندا قازاقستان ازاماتتىعىن الۋ جونىندەگى ماسەلەلەر قارالدى. وتىرىستى اشقان مەملەكەتتىك حاتشى تاۋەلسىزدىك جىلدارى 965 مىڭ ادام ازاماتتىق العانىن جانە بۇل ەلىمىزدىڭ ەلباسىنىڭ باسشىلىعىمەن قول جەتكىزگەن تابىستارىنىڭ ايشىقتى ايعاعى ەكەنىن اتاپ ءوتتى. «قازىرگى تاڭدا قازاقستان ازاماتتىعىن الۋعا ءوتىنىش بەرۋشىلەردىڭ سانى ارتىپ كەلەدى. ءبىز ونداي ازاماتتارعا بارلىق جاعدايدى جاساۋىمىز كەرەك. بارشا قازاقستاندىق ءوز قاتارىنىڭ تولىققانىنا ەرەكشە قۋانادى. ءبىز ازاماتتىق العاندار ەلىمىزدىڭ ودان ءارى دامۋىنا ءوز ۇلەستەرىن قوساتىنىنا سەنىم بىلدىرەمىز», – دەدى گ.ابدىقالىقوۆا. سونىمەن قاتار, جيىن بارىسىندا مەملەكەت باسشىسى ءتيىستى جارلىققا قول قويعان سوڭ الىس جانە تاياۋ شەتەلدەردەن كەلگەن ءتۇرلى ۇلتتىڭ 819 وكىلى قازاقستان ازاماتى اتاناتىنى بەلگىلى بولادى. ودان بولەك, كوميسسيا وتىرىسىنىڭ قورىتىندىسى بويىنشا ءتيىستى شەشىمدەر مەن ۇسىنىمدار قابىلداندى. ەلامان قوڭىر, «ەگەمەن قازاقستان»