ۇكىمەت پەن ەسەپ كوميتەتىنىڭ ەسەبى تىڭدالدى

ءماجىلىستىڭ قارجى جانە بيۋدجەت كوميتەتىنىڭ ۇيىمداستىرۋىمەن ۇكىمەتتىڭ 2015 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبى مەن ۇكىمەتتىڭ ەسەبىنە قورىتىندى بولىپ تابىلاتىن ەسەپ كوميتەتىنىڭ ەسەبى تانىس­تىرىلدى. تۇساۋكەسەرگە پالاتا توراعاسىنىڭ ورىنباسارى گۇلميرا يسىمباەۆا قاتىسىپ, شارانى كوميتەت جەتەكشىسى گۇلجان قاراقۇسوۆا جۇرگىزىپ وتىردى. قارجى ءمينيسترى باقىت سۇلتانوۆ ءوز سوزىندە بىلاي دەدى: «رەسپۋبليكالىق بيۋدجەتكە 2015 جىلى 6 251,1 ملرد. تەڭگە ءتۇستى. بۇل – جوسپاردىڭ 105,6%-ى. 2015 جىلعى رەسپۋبليكالىق بيۋد­جەتتىڭ شىعىستارى 99,8%-عا نەمەسە 7 163,2 ملرد. تەڭگە سوماسىندا اتقارىلدى. 2014 جىلمەن سالىستىرعاندا شىعىستار 93,5 ملرد. تەڭگەگە ءوستى. شىعىستار سالاسىندا بيۋدجەت ساياساتىنىڭ باسىمدىعى الەۋمەتتىك مىندەت­تەمەلەردى ءبىرىنشى كەزەكتە قارجى­لاندىرۋعا بەرىلدى. 2015 جىلعا ارنالعان رەسپۋبليكالىق بيۋدجەتتە كوزدەلگەن زەينەتاقىلار, الەۋمەتتىك جاردەماقىلار مەن بيۋدجەتتىك سالا قىزمەتكەرلەرىنە جالاقى تولەۋ ۋاقتىلى جانە تولىق كولەمىندە قارجىلاندىرىلدى». ب.سۇلتانوۆ, سونداي-اق, الەۋ­مەتتىك سالاعا ارنالعان شىعىس­تار 2 819,3 ملرد. تەڭگەنى قۇر­ا­عانىن اتاپ كورسەتتى. 2015 جىلى رەسپۋبليكالىق بيۋدجەتتىڭ شى­عىس­تارىندا ولاردىڭ ۇلەسى ءوسىپ, 39,4% بولدى. بۇل رەتتە 2015 جىلى ءبىلىم بەرۋگە – 444,0 ملرد. تەڭگە, دەنساۋلىق ساقتاۋعا – 657,5 ملرد. تەڭگە, الەۋمەتتىك كومەككە – 1 612,7 ملرد. تەڭگە, مادەنيەتكە, سپورتقا, تۋريزم مەن اقپاراتتىق كەڭىستىككە 105,0 ملرد. تەڭگە جۇمسالدى. الەۋمەتتىك شىعىستارمەن قا­تار بيۋدجەت شىعىندارىنىڭ جوعا­رى دەڭگەيى ينفراقۇرىلىمدىق جانە يندۋستريالىق جوبالارعا, اۋىل شارۋاشىلىعىن دامىتۋ­عا تۋرا كەلەدى. ماسەلەن, تۇرعىن ءۇي-كوممۋنالدىق شارۋاشىلىققا – 256,0 ملرد. تەڭگە, وتىن-ەنەرگەتيكا كەشەنىنە جانە جەر قوي­ناۋىن پايدالانۋعا – 79,9 ملرد. تەڭگە, اۋىل, سۋ, ورمان, بالىق شارۋ­اشىلىعىنا جانە قور­شا­عان ورتانى قورعاۋعا – 240,8 ملرد. تەڭگە, ونەركاسىپ, ساۋلەت, قالا قۇرىلىسى جانە قۇرىلىس قىز­مەتىنە – 13,8 ملرد. تەڭگە, كولىك جانە كوممۋنيكاتسياعا 525,6 ملرد. تەڭگە جۇمسالدى, دەدى قارجى ءمينيسترى. ەسەپ كوميتەتىنىڭ مۇشەسى جان­سەيىت سارسەنقۇلوۆ ءوز سوزىندە 2015 جىلى رەسپۋبليكالىق بيۋد­جەتتىڭ اتقارىلۋىن باعالاۋدىڭ نەگىزگى قورىتىندىلارىنا توق­تالدى. ۇكىمەت رەسپۋبليكالىق بيۋدجەت تۇسىمدەرى بويىنشا ناقتى­لان­عان جوسپارلى پارامەتر­لەر مەن شىعىستار بويىنشا ءمىن­دەت­تەمەلەردى ورىنداعانىن اتاپ ءوتتى. سونىمەن بىرگە, ونىڭ ايتۋىن­شا, رەسپۋبليكالىق بيۋدجەت پارامەترلەرىنىڭ بىرنەشە ءمار­تە ناقتىلانعانىنا جانە ءتۇ­زەتىل­گەنىنە قاراماستان, رەس­پۋب­­­­ليكالىق بيۋدجەتتىڭ يگەرىل­مە­گەن قاراجاتىنىڭ سوماسى 7,8 ملرد. تەڭگەنى, ءتيىمسىز پايدا­لا­­نىل­­­عانى 459,2 ملرد. تەڭگەنى قۇراعان. بۇدان باسقا, ول 2015 جىلى ەسەپ كوميتەتى 4,9 ترلن. تەڭگە مولشەرىندەگى بيۋدجەت قاراجاتى مەن مەملەكەت اكتيۆتەرىن قامتي وتىرىپ, 27 باقىلاۋ ءىس-شاراسىن جۇرگىزگەنىن حابارلادى. سوماسى 1,6 ترلن. تەڭگەگە قارجىلىق بۇزۋ­شىلىقتار انىقتالعان, بۇل 2014 جىلمەن سالىستىرعاندا, 2,6 ەسەگە كوپ. قالپىنا كەلتىرۋگە جاتاتىن 185,7 ملرد. تەڭگەنىڭ مەرزىمى كەلگەن 135,4 ملرد. تەڭگەسى نەمەسە 70 پايىزدان استامى وتەلىپتى. «پروتسەستىك شەشىمدەر قابىلداۋ ءۇشىن قۇقىق قورعاۋ ورگاندارىنا 40 باقىلاۋ ماتەريالى جىبەرىلدى. ەسەپتى كەزەڭدە 75 زاڭدى تۇلعا جانە 66 لاۋازىمدى ادام اكىمشىلىك جاۋاپتىلىققا, 271 لاۋازىمدى ادام تارتىپتىك جاۋاپتىلىققا تارتىلدى», – دەپ مالىمدەدى ج.سارسەنقۇلوۆ.