پاۆلودار. 12 مامىر. وڭىردەگى قاشىر اۋدانى, جاسقايرات اۋىلىنىڭ تۇرعىندارى, اۋىلدان شىققان ازاماتتار وزدەرى قارجى جيناپ, 9 مامىر كۇنى مەرەكەلىك ءىس شارا وتكىزىپ, ۇلى وتان سوعىسى ارداگەرلەرىنىڭ ەسىمى جازىلعان ەسكەرتكىش تاقتا ورناتتى. بۇل تۋرالى egemen.kz ءتىلشىسى حابارلادى.
يگى ءىستى قولعا العان ت.مۇقانوۆ, ي.ششەرباك, س.دۇيسەمبەكوۆ, س.قاماروۆ, ن.بيسەمباەۆ سەكىلدى اتىمتاي جومارت جاندارعا حالىق العىس ايتۋدا. ەسكەرتكىش تاقتانىڭ اشۋ قۇرمەتى اۋىلدان سوعىسقا اتتانعان, ارداگەرلەر قايىر حاسەنوۆ, رامازان مۇقامەتقاليەۆكە جۇكتەلدى.
تاقتادا اۋىلدان سوعىسقان اتتانعان 84 مايدانگەردىڭ ەسىمدەرى جازىلدى. ولاردىڭ 51 ءبىرى سوعىستا قازا تاۋىپ, حابارسىز كەتسە, 33 ەلگە ورالدى. ەسكەرتكىش مەكتەپتىڭ الدىنا ورنالاسقان. ەندى جىل سايىن اۋىل تۇرعىندارى 9 مامىر وسى جەرگە جينالماق. سوعىستان ورالماعان, قازا تاپقان, قايتىس بولعان اۋىلداستارىن ەسكە الىپ, ەسىمدەرىن ماڭگى ساقتايدى.
فاريدا بىقاي.
دەرەك, فوتو: egemen.kz.