«الماتىداعى ايگىلى «دوستىق» سپورت كەشەنى ساتىلىمعا قويىلدى. كەشەننىڭ باعاسى – 3,7 ميلليارد تەڭگە شاماسىندا», دەپ حابارلادى جىلجىمايتىن م ۇلىك ساۋداسىمەن اينالىساتىن «كرىشا.كز» كوممەرتسيالىق پورتالى.
1983 جىلى سالىنعان سپورت كەشەنى ساتىلىمدا كەپىلدىك م ۇلىك رەتىندە تۇرعانى حابارلانۋدا. اتالعان عيماراتتىڭ مەنشىكتىك قۇقىعىنا يە بولعان «قازكوممەرتسبانك» قارجى مەكەمەسى «دوستىق» كەشەنىن كەپىلگە قويعان كاسىپكەردىڭ بانك الدىنداعى قارىزىن وتەي الماي, بۇدان بىرنەشە اي بۇرىن ساۋداعا قويعانىن, ءبىر مارتە الماقشى بولعان كليەنت باس تارتقاننان كەيىن تاعى دا ساۋدا الاڭىنا شىعارىلعانىن ايتقان.
2000 جىلعا دەيىن تۋريزم جانە سپورت اگەنتتىگىنىڭ قاراۋىندا بولعان «دوستىق» سپورت كەشەنى كەيىنىرەك قارجىلىق جاعدايعا بايلانىستى اكتسيونەرلىك قوعام بولىپ وزگەرگەن بولاتىن. اۋماعى 7,3 مىڭ شارشى مەتردى قۇرايتىن كەشەندە 6 تەننيس كورتى, 3 فۋتبول الاڭى مەن كوپتەگەن ارناۋلى جانە اكىمگەرشىلىك عيماراتتار ورنالاسقان.
قانات ەسكەندىر,
«ەگەمەن قازاقستان»
الماتى