بىلعارى قولعاپ شەبەرلەرى

جاستار اراسىنداعى ازيا چەمپيوناتىندا ەرلەدى پاۆلوداردا 8 مامىر كۇ­نى مارەگە جەتكەن ازيا­نىڭ بوكستان جاستار اراسىن­داعى جەتىنشى چەمپيوناتى قازاقستاندىقتاردىڭ زور جەڭى­سىمەن اياقتالدى. وندا ەلىمىزدىڭ جاس بىلعارى قولعاپ شەبەرلەرى 6 التىن, 1 كۇمىس جانە 3 قولا مەدال جەڭىپ الىپ, كوماندالىق ەسەپتە ءبىرىنشى ورىنعا كوتەرىلدى. ەكىنشى ورىنداعى وزبەكستان جاستارى 3 التىن, 3 كۇمىس جانە 3 قولا مەدالعا قول جەتكىزدى. ءۇشىنشى ورىنعا شىققان جاپون بوكسشىلارىندا 1 التىن, 2 قولا مەدال بار. فينالدىق ايقاستى 49 كيلوداعى قازاقستاندىق ۆا­سي­لي سامچۋك پەن وزبەك وتابەك حولماتوۆ باستادى. وندا ءبىزدىڭ وعلان 2:1 ەسەبىمەن باسىم ءتۇستى. كەلەسى سالماق دارەجەسىندە (52 كگ) جاپون حاياتو تسۋتسۋمي كورەيالىق لي حي-سەوپتى وسىنداي ەسەپپەن ءسۇرىندىردى. قازاقستانعا ەكىنشى التىن مەدالدى 56 كگ سالماقتاعى سەرىك تەمىرحانوۆ قىرعىز نۋرسۋلتان ءماماتاليدى 3:0 ەتىپ جەڭۋ ارقىلى الىپ بەردى. وزبەكستاندىق بيلولبەك ميرزاراحيموۆ ۇندىستاندىق انكۋش داحيامەن ايقاستا 60 كيلوعا دەيىنگى سالماقتىڭ «ال­تىنىن» ەنشىلەدى. سودان سوڭعى 64 كگ سالماقتا دا ءۇندىس­تاندىق بوكسشى ۇتىلىپ قال­دى. ول – ايحۋش كۋلحيريا قازاق اياتۋللا تاكىجانوۆقا ەسە جىبەردى. كەلەسى 69 كيلوعا دەيىنگى سالماقتا قازاقستاندىق ولەگ ماتۆەيچۋك پەن وزبەك ۋلۋگبەك ءسوبيروۆتىڭ اراسىنداعى جەك­پە-جەك تە وتە تارتىستى ءوتتى. ونىڭ قورىتىندىسىندا تورە­شىلەر وزبەك سپورتشىسىن جەڭىمپاز دەپ تانىدى. 75 كگ سالماقتا قازاقستاندىق امان قازانعاپوۆ تۇرىكمەن نۋرياگدي نۋرياگديەۆتى 3:0 ەتىپ ۇتتى. 81 كيلوعا دەيىنگى سالماقتا سان­جار تۋرسۋنوۆ ۇندىستاندىق رەيال ءپۋريدى قاتتى تارتىس ۇستىندە جەڭدى. ال سوڭعى ەكى سال­ماقتا قازاقستان مەن ءوز­بەكستان بوكسشىلارى ۇشى­راسىپ, ەكەۋىندە دە ءبىزدىڭ جىگىت­تەردىڭ مەرەيلەرى ۇستەم بولدى. اتاپ ايتقاندا, 91 كيلودا دميتري احتسيگەر – شوحرۋز راحي­موۆتان, 91 كيلودان اۋىر سال­ماقتا نۇرداۋلەت ۇلان ۇلى ابدۋللا حۋدوگانوۆتان باسىم ءتۇستى. قازاقستاندىقتار ساپىنان چەمپيوناتتىڭ قولا جۇلدەسىن ايدوس اراپوۆ (52 كگ), قازبەك ساپەنوۆ (60 كگ) جانە ەلديار قام­شىبەكوۆ (81 كگ) الدى. دامير قوجامقۇل