قازاق كۇرەسى. بيىلدان باستاپ ەلباسى نۇرسۇلتان نازارباەۆتىڭ جۇلدەسى ءۇشىن وتەتىن «قازاقستان بارىسى» رەسپۋبليكالىق تۋرنيرىنە اسكەري قىزمەتكەرلەر دە قاتىساتىن بولادى. استانادا وسى تۋرنيرگە قاتىساتىن بالۋانداردى انىقتاۋ ءۇشىن قارۋلى كۇشتەر اراسىندا «اسكەر بارىسى» ىرىكتەۋ جارىسى ءوتتى. وعان 16 بوز كىلەم شەبەرى قاتىستى. ناتيجەسىندە باس جۇلدەنى تالعات امىرەنوۆ جەڭىپ الدى.
فۋتبول. قازاقستان پرەمەر-ليگاسىنىڭ 10-تۋرى ءوتتى. تۋرداعى ويىندار مىناداي ەسەپپەن اياقتالدى: «استانا» (استانا) – «اقجايىق» (ورال) 2:0, «توبىل» (قوستاناي) – «قايرات» (الماتى) 1:2, «جەتىسۋ» (تالدىقورعان) – «وقجەتپەس» (كوكشەتاۋ) 1:4, «ەرتىس» (پاۆلودار) – «تاراز» (تاراز) 2:1, «ورداباسى» (شىمكەنت) – «شاحتەر» (قاراعاندى) 2:0, «اقتوبە» (اقتوبە) – «اتىراۋ» (اتىراۋ) 1:0
دزيۋدو. ازەربايجان استاناسى باكۋ قالاسىندا «ۇلكەن دۋلىعا» حالىقارالىق ءتۋرنيرى ءوتىپ جاتىر. وندا قازاقستاندىقتار ساپىنان ەرلەر اراسىندا ازامات مۇقانوۆ (66 كگ) كۇمىس مەدالدى, ايەلدەر اراسىنداعى جارىستا وتگونتسەگتسەگ گالبادراح (48 كگ) قولا جۇلدەنى جەڭىپ الدى.
جەڭىل اتلەتيكا. كاتاردىڭ دوحا قالاسىندا «گاۋھار ليگاسىنىڭ» ءبىرىنشى كەزەڭى ءوتتى. جارىستا ولگا رىپاكوۆا ءۇش قارعىپ سەكىرۋدە 14,61 مەتر ءناتيجە كورسەتىپ, ءۇشىنشى ورىنعا يە بولدى. ءبىرىنشى ورىندى كولۋمبيالىق كاتەرين يبارگۋەن, ەكىنشى ورىندى ۆەنەسۋەلا سپورتشىسى ۋليمار روحاس يەلەندى.
تەننيس. يتاليانىڭ باس قالاسى ريمدە ءوتىپ جاتقان Internazionali BNL d´Italia تۋرنيرىنىڭ ءبىرىنشى اينالىمىندا قازاقستاننىڭ ءبىرىنشى, الەمنىڭ 87-ءشى راكەتكاسى ميحايل كۋكۋشكين حورۆاتيالىق بورنا ءچوريچتى 7:6, 7:5, 6:4 ەسەبىمەن جەڭدى. ەندى ول ەكىنشى اينالىمدا وسى جارىستىڭ ەكىنشى راكەتكاسى, بريتانيالىق ەندي ماررەيمەن كەزدەسەدى.
بوكس. بوكستان ايەلدەر اراسىندا وتەتىن الەم چەمپيوناتىنا قاتىساتىن قازاقستان قۇراما كومانداسىنىڭ ءتىزىمى جاريالاندى. الەمدىك دوداعا نازىم قىزايباي (48 كگ), جاينا شەكەربەكوۆا (51 كگ), دينا جولامان (54 كگ), ايجان قوجابەكوۆا (57 كگ), ريمما ۆولوسەنكو (60 كگ), زارينا تسولوەۆا (64 كگ), ۆالەنتينا حالزوۆا (69 كگ), ۆيولەتتا كنيازەۆا (75 كگ), يۋلدۋز ماماتكۋلوۆا (81 كگ) جانە ءلاززات كۇنگەيباەۆا (+81 كگ) قاتىسادى.
«ەگەمەن-اقپارات»
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e