قاراعاندى. 21 ءساۋىر. قاراعاندىدا ءوزىنىڭ تانىسىن ولتىرۋگە تاپسىرىس بەرگەن قالا تۇرعىنى قولعا ءتۇستى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ون توعىز جاستاعى تۇرعىننىڭ ءوزىنىڭ تانىسىن ولتىرۋگە كىسى جالداعىسى كەلىپ جۇرگەنى تۋرالى اقپارات قاراعاندى وبلىستىق ىشكى ىستەر دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنا كەلىپ تۇسكەن.
جەدەل-ىزدەستىرۋ شارالارى بارىسىندا كۇدىكتىمەن اراداعى اڭگىمەنى تاسپاعا جازىپ الۋدىڭ ءساتى ءتۇستى. وندا كۇدىكتى جالدامالى كىسى ءولتىرۋشىنىڭ قىزمەتىن 250 مىڭ تەڭگەگە باعالاعان. سونداي-اق, ول ايعاق رەتىندە «مارقۇمنىڭ» ءولىپ جاتقان سۋرەتى تۇسىرىلگەن ۇيالى تەلەفونىن الىپ كەلۋ تۋرالى تالاپ قويعان.
كۇدىكتى قاراعاندىداعى ساۋدا ۇيلەرىنىڭ بىرىندە كيللەردىڭ ءرولىن ويناعان پوليتسيا قىزمەتكەرى بەرگەن تەلەفوندى الىپ جاتقان جەرىندە تۇتقىندالدى.
قازىرگى ۋاقىتتا ول ۋاقىتشا ۇستاۋ وقشاۋلاعىشىندا قاماۋدا وتىر. سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ.
دەرەك, فوتو: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.