قازاقستاندا تۇرعىن ءۇيدى جالداۋ اقىسىنىڭ 50 پايىزىن مەملەكەت ەسەبىنەن جابۋ باعدارلاماسىنا ماڭىزدى وزگەرىستەر ەنگىزىلدى. جاڭا ەرەجەلەردىڭ ماقساتى – زاڭسىز قوسالقى جالداۋ مەن جالعان تۇرۋ فاكتىلەرىنە توسقاۋىل قويۋ, دەپ حابارلايدى Egemen.kz.
2022 جىلدان بەرى جۇمىس ىستەپ كەلە جاتقان بۇل باعدارلاما جىل سايىن 10 مىڭعا جۋىق وتباسىعا قولداۋ كورسەتىپ كەلەدى. الايدا, 12 شىلدەدەن باستاپ تالاپتار ايتارلىقتاي قاتاڭداتىلادى.
كىمدەر قاتىسا الادى؟سۋبسيديا الۋ قۇقىعى تەك ءتورت ساناتتاعى ازاماتتارعا بەرىلەدى:
كوپبالالى وتباسىلار; جەتىم بالالار; ءى جانە ءىى توپتاعى مۇگەدەكتىگى بار جاندار; مۇگەدەكتىگى بار بالا اسىراپ وتىرعان وتباسىلار.باستى تالاپ – وتباسىنىڭ ءار مۇشەسىنە شاققانداعى تابىس 1 ەڭ تومەنگى كۇنكورىس دەڭگەيىنەن (2026 جىلى – 50 851 تەڭگە) اسپاۋى ءتيىس. مىسالى, 5 ادامنان تۇراتىن وتباسىنىڭ ايلىق تابىسى 254,2 مىڭ تەڭگەدەن جوعارى بولماۋى كەرەك.
تۇرعىن ءۇي كەزەگىندەگى تۇيتكىل رەتتەلىپ كەلەدى
12 شىلدەدەن باستاپ نە وزگەرەدى؟ءوتىنىم بەرۋدەن باستاپ, تەكسەرۋگە دەيىنگى بارلىق پروتسەسس ونلاين فورماتقا كوشەدى. مالىمەتتەر مەملەكەتتىك بازالار ارقىلى اۆتوماتتى تۇردە تەكسەرىلىپ, ءاربىر ارەكەت جۇيەدە تىركەلەدى.
سونداي-اق اكىمدىك وكىلدەرى ءار توقسان سايىن پاتەرلەردى ارالاپ, تەكسەرۋ جۇرگىزە الادى. ولار:
سۋبسيديا الۋشىنىڭ سول مەكەنجايدا ناقتى تۇرىپ جاتقانىن; پاتەردە بوگدە ادامداردىڭ جوقتىعىن; ەرەجەگە قايشى ارەكەتتەردىڭ ورىن الماۋىن باقىلايدى.ايتا كەتەيىك, ەگەر پاتەردە بوگدە ادامدار تۇرىپ جاتقانى انىقتالسا, جاعدايدى تۇزەتۋگە 3 كۇن ۋاقىت بەرىلەدى. ەگەر بۇزۋشىلىق جويىلماسا نەمەسە قايتالانسا – سۋبسيديا تولەۋ توقتاتىلادى جانە باعدارلاماعا قايتا قاتىسۋ قۇقىعىنان ايىرىلادى.
قازاقستاندا جالدامالى تۇرعىن ءۇيدى ءبولۋ ۋاقىتشا توقتاتىلدى
بۇرىنعىشا جاقىن تۋىستاردان, جۇبايىنان ء(تىپتى بۇرىنعى جۇبايىنان دا) پاتەر جالداۋعا بولمايدى. ەندى مۇنداي فاكت انىقتالسا, كومەك دەرەۋ توقتاتىلىپ, ونى قالپىنا كەلتىرۋ مۇمكىن بولمايدى.
باعدارلامانىڭ وپەراتورى – «وتباسى بانك». وتىنىمدەر كەز كەلگەن ۋاقىتتا otbasybank.kz سايتى ارقىلى قابىلدانادى. كەلىسىمشارت ءۇش تاراپ (بانك, جالعا الۋشى جانە ءۇي يەسى) اراسىندا جاسالادى.
جاستارعا ارنالعان جالعا بەرىلەتىن تۇرعىن ءۇي باعدارلاماسى توقتاتىلادى