استانا. 21 ءساۋىر. ەفيوپيانىڭ باتىس ايماعىندا لاڭكەستەر 100-گە جۋىق بالانى تۇتقىنعا الىپ كەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
بىرىككەن ۇلتتار ۇيىمىنىڭ باس حاتشىسى ستەفان ديۋجارريك بۇل ءىستى وڭتۇستىك سۋداننان كەلگەن سودىرلار ىستەۋى مۇمكىن ەكەندىگىن ايتتى. سونداي-اق, بەيرەسمي مالىمەتتەر بويىنشا قازا تاپقاندار مەن جارالانعانداردىڭ اراسىندا دا بۇلدىرشىندەر بار.
ستەفان ديۋجارريك بۇۇ-نىڭ قىزمەتكەرلەرى لاڭكەستىك ارەكەتتەردەن زارداپ شەككەندەرگە كومەك كورسەتۋگە دايىن ەكەندىگىن مالىمدەدى. ال ەفيوپيا ۇكىمەتى ۇرلانعان بالالاردى امان الىپ قالۋعا ارەكەتتەنۋدە.
ايتا كەتەيىك, 17 ءساۋىر كۇنى وڭتۇستىك سۋداننان ەفيوپيانىڭ گامبەلا پروۆينتسياسىنداعى ەلدى مەكەنگە باسىپ كىرگەن ەكسترەميستەر بەيبىت تۇرعىندارعا وق اتقان. سالدارىنان 208 ادام مەرت بولىپ, 75 تۇرعىن ءتۇرلى دەڭگەيدە جاراقات الدى. وزدەرىمەن بىرگە جۇزگە جۋىق بالانى تۇتقىنعا الىپ, ەكى مىڭ باس مالدى ايداپ اكەتكەن.
ايان ءابدۋالي.
دەرەك: تاسس.
فوتو: inform.kz.