استانا. 21 ءساۋىر. الەمگە تانىمال Mitsubishi Motors اۆتوكونتسەرنىنىڭ جۇزدەگەن مىڭ كولىكتەرىنەن اقاۋ شىقتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
كومپانيانىڭ كولىكتەرىن سىناقتان وتكىزۋ بارىسىندا جانارماي شىعىنىن كورسەتۋدە اقاۋلاردىڭ بار ەكەندىگى انىقتالدى. وسىنىڭ سالدارىنان Mitsubishi Motors جانە Nissan برەندتەرىمەن شىققان 625 مىڭعا جۋىق كولىك جارامسىز بولىپ, ساتىلىمنان الىنىپ تاستالۋى مۇمكىن. ال بۇگىن قور بيرجاسىنداعى Mitsubishi اكتسيالارى 15 پايىزعا قۇلدىرادى.
اۆتوكونتسەرن باسشىلىعى كەلەڭسىزدىكتەرگە بايلانىستى تۇتىنۋشىلارىنان كەشىرىم سۇرادى.
ايتا كەتەيىك, وسىدان ەكى جىل بۇرىن Hyundai جانە Kia Motors تا وسىنداي جاعدايعا تاپ بولعان. سونداي-اق, وتكەن جىلى Volkswagen اۆتوكونتسەرنى زاڭسىز تۇردە قورشاعان ورتاعا تارايتىن قالدىقتاردى ازايتىپ كورسەتەتىن قۇرىلعى ورناتقان. وسىعان بايلانىستى ەۋروپانىڭ جانە ازيانىڭ بىرقاتار ەلدەرى ءىرى كولەمدە ايىپپۇل سالدى.
ايان ءابدۋالي.
دەرەك, فوتو: تاسس.