استانا. 20 ءساۋىر. جاپونيانىڭ وڭتۇستىگىندە, كيۋسيۋ ارالىنداعى كۋماموتا پرەفەكتۋراسىندا بولعان جەر سىلكىنىسىنەن قازا تاپقاندار سانى 47 ادامعا جەتتى. بۇل تۋرالى world.lb.ua-عا سىلتەمە جاساعان egemen.kz ءتىلشىسى حابارلادى.
تابيعات اپاتىنان 124 مىڭنان استام ادام باسپانالارىن تاستاپ, قاۋىپسىز ايماققا قونىس اۋداردى. اۋا تەمپەراتۋراسى تۇندە -8 تسەلسي گرادۋسقا دەيىن بارسا دا, تۇرعىندار دالادا قونۋعا ءماجبۇر بولىپ ءجۇر. قۇتقارۋشىلار توبى قيراندى استىندا قالعانداردى ىزدەۋ جۇمىستارىمەن اينالىسۋدا.
ماماندار ءزىلزالانىڭ سوڭى سەلگە ۇلاسۋى مۇمكىن ەكەندىگىن مالىمدەدى.
ايتا كەتەيىك, 14 ءساۋىر كۇنى اتالعان ايماقتا ماگنيتۋداسى 6,4 باللدى قۇراعان جەر استى ءدۇمپۋى بولدى. سالدارىنان ونداعان عيمارات قيراپ, جۇزگە جۋىق ادام ءتۇرلى دەڭگەيدە جاراقات الدى.
ايان ءابدۋالي.
دەرەك: world.lb.ua.
فوتو: 24.kz.