الماتى. 20 ءساۋىر. الماتىداعى م.اۋەزوۆ اتىنداعى قازاق مەملەكەتتىك اكادەميالىق دراما تەاترى ءوزىنىڭ 90 جىلدىعى اياسىندا گاسترولدىك ساپارمەن 21-22 ساۋىردە تالدىقورعان جانە تەكەلى قالالارىنا بارادى. بۇل تۋرالى تەاتردىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
بۇل ساپاردا تەاتر ۇجىمى يسرايل ساپاربايدىڭ «سىعان سەرەناداسى» مۋزىكالىق دراماسىن ساحنالايدى. ال شامشى قالداياقوۆتىڭ ءومىرى مەن ماحابباتى جايلى سپەكتاكلدە ونەر كورسەتەتىن اكتەرلەر مەن قويىلىم توبىن تەاتردىڭ كوركەمدىك جەتەكشىسى, كسرو حالىق ءارتيسى ءاسانالى ءاشىموۆ جانە تەاتر ديرەكتورى, ەڭبەك سىڭىرگەن قايراتكەرى ەرلان ءبىلال باستاپ بارادى.
ءشامشى رولىندە – بەكجان تۇرىس, «سىعان سەرەناداسىنىڭ» دۇنيەگە كەلۋىنە ارقاۋ بولعان سىعان قىزى يزولدا بەينەسىندە – شىنار جانىسبەكوۆا, بارون رولىندە – ءۇسىپحان سەيتىمبەت, بارونەسسا رولىندە – ەڭبەك سىڭىرگەن ءارتيسى عازيزا ابدىنابيەۆا ونەر كورسەتەدى.
سونىمەن قاتار, جەتىسۋ ءوڭىرىنىڭ تۇرعىندارى «سەرپەر» جاستار وداعى سىيلىعىنىڭ لاۋرەاتى الماس شاياحمەتوۆ, ەڭبەك سىڭىرگەن ءارتيسى شامشاگۇل مەڭدياروۆا, «سەرپەر» جاستار وداعى سىيلىعىنىڭ لاۋرەاتى ءلاززات قالدىبەكوۆا, «سەرپەر» جاستار وداعى سىيلىعىنىڭ لاۋرەاتى جاسۇلان بايسالبەكوۆ, ناز جەكەنوۆا, باۋىرجان ماڭجىگىتوۆ, زاميرا ساپار, قايرات ءنابيوللا, ابزالبەك اسحات ۇلى, اراي ءومىروۆا, جانەل ماقاجان, نۇرعيسا قۋانىشباي ۇلى, اسەم ابەنوۆا سىندى ونەر ساڭلاقتارىمەن قاۋىشا الادى.
ايناش ەسالي.
دەرەك, فوتو: م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ءباسپاسوز قىزمەتى.