وسكەمەن. 20 ءساۋىر. بۇگىن شىعىس قازاقستان وبلىسىنىڭ اكىمى دانيال احمەتوۆ وسكەمەن قالاسىنىڭ اكتيۆىنە جاڭا اكىمدى تانىستىردى. شاھار باسشىسى بولىپ ەرلان ايمۇقاشەۆ تاعايىندالدى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ەرلان قاپار ۇلى ايمۇقاشەۆ 1970 جىلى 18 ناۋرىزدا تۋعان. پاۆلودار پەداگوگيكالىق ينستيتۋتىن, پاۆلودار ۋنيۆەرسيتەتىن بىتىرگەن. 2000 جىلدان باستاپ مەملەكەتتىك باسقارۋ جۇيەسىندە, پاۆلودار وبلىسىنىڭ اكىمدىگىندە جۇمىس ىستەگەن. سونداي-اق, قازاقستان رەسپۋبليكاسى پرەمەر-ءمينيسترىنىڭ كومەكشىسى بولدى.
2012-2014 جىلدارى ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم بويىنشا كوللەگيا مۇشەسى حاتشىلىعىنىڭ مەڭگەرۋشىسى بولدى. ال وسكەمەن قالاسىنىڭ اكىمى بولىپ تاعايىندالعانعا دەيىن شىعىس قازاقستان وبلىسى اكىمى اپپاراتىنىڭ جەتەكشىسى قىزمەتىن اتقاردى.
وسكەمەن قالاسىنىڭ ەكس-اكىمى تەمىربەك قاسىمجانوۆ وبلىس ورتالىعىن 2013 جىلدىڭ مامىر ايىنان بەرى باسقارعان بولاتىن.
دۋمان اناش.
دەرەك, سۋرەت: شىعىس قازاقستان وبلىسى اكىمىنىڭ ءباسپاسوز قىزمەتى.