«نۇر وتان» پارتياسى ورتالىق اپپاراتىنىڭ باس عيماراتىندا پارلامەنت ماجىلىسىندەگى «نۇر وتان» پارتياسىنىڭ فراكتسياسى جانىنداعى الەۋمەتتىك كەڭەستىڭ «جاستاردى قولداۋ» باعىتى بويىنشا ساراپتامالىق وتىرىسى ءوتتى.
ساراپتامالىق توپتىڭ وتىرىسىنا پارلامەنت ءماجىلىسىنىڭ دەپۋتاتى, «نۇر وتان» پارتياسىنىڭ پارلامەنتتەگى فراكتسياسى جانىنداعى الەۋمەتتىك كەڭەس توراعاسىنىڭ ورىنباسارى باقتيار ماكەن جەتەكشىلىك ەتتى. وتىرىس بارىسىندا «100 ناقتى قادام» ۇلت جوسپارىنىڭ اياسىندا جاستار ساياساتىنا قاتىستى وتكىزىلىپ جاتقان ءىس-شارالار اتاپ ءوتىلىپ, ولاردى ءارى قاراي ىسكە اسىرۋدىڭ تەتىكتەرى قاراستىرىلدى.
ءبىلىم جانە عىلىم مينيسترلىگى جاستار ساياساتى دەپارتامەنتى جاستار ساياساتىنداعى 2016 جىلعا ارنالعان مەملەكەتتىك الەۋمەتتىك تاپسىرىستاردىڭ جۇزەگە اسىرىلۋى جانە ەلىمىزدەگى جاستاردىڭ ماسەلەلەرىن انىقتاۋ ءۇشىن ءوتكىزىلەتىن «جاستار-2015» ۇلتتىق بايانداماسىنىڭ نەگىزگى قورىتىندىلارى دا تىلگە تيەك ەتىلدى.
ساراپتامالىق توپتىڭ وتىرىسىنا پارلامەنت دەپۋتاتتارى, مەملەكەتتىك ورگانداردىڭ جاۋاپتى وكىلدەرى, قوعام قايراتكەرلەرى, بلوگەرلەر مەن جاستار ۇيىمدارىنىڭ كوشباسشىلارى قاتىستى. ال شارانىڭ باستى ماقساتى ەلىمىزدەگى جاستاردىڭ باستى ماسەلەلەرىن نەگىزگە الا وتىرىپ, ونى شەشۋدىڭ جولدارىن قاراستىرۋ بولدى.
وتىرىس سوڭىنا قاراي ساراپشىلاردىڭ ۇسىنىستارى قاپەرگە الىنىپ, ولار ءتيىستى مەملەكەتتىك ورگاندارعا ۇسىنىس رەتىندە ەنگىزىلەتىن بولادى.
«ەگەمەن-اقپارات»