الەمدە تابيعات تەپە-تەڭدىگىنىڭ بۇزىلۋى ءجيى بايقالۋدا. وسىنداي جاعداي ەلىمىزدە دە كەزدەسۋدە دەسەك, كەيدە جەكە ادامداردىڭ ءوز مىندەتتەرىنە سالعىرت قاراۋى دا وعان نەگىزگى سەبەپ بولۋدا.
جەتىسۋ جۇرتشىلىعى وتكەن جىلعى كوكتەمدەگى قىزىلاعاش وقيعاسىنان كەيىن سۋ قويمالارى مەن سۋ شارۋاشىلىعىنا قاتىستى ماسەلەلەرگە ءجىتى نازار اۋدارىپ, وبلىستا وسى ءماسەلەگە بايلانىستى بايىپتى كوزقاراس قالىپتاستىرۋ قولعا الىنعان.
وبلىس اكىمى سەرىك ۇمبەتوۆ اۋدان, قالا اكىمدەرىمەن وسى ماسەلەگە وراي جيىن وتكىزىپ, سۋ قويمالارىنىڭ, سۋ شارۋاشىلىعىنا قاتىستى مەكەمەلەرگە كوكتەمنىڭ جاقىن قالعاندىعىن ەسكەرتىپ, سۋ تاسقىنىنىڭ الدىن الۋ جانە بولدىرماۋ ماسەلەسى تاعى ءبىر ءسوز بولدى. اڭگىمە سوزبەن عانا ەمەس, ءوڭىردەگى اسا قاۋىپتى سۋ شارۋاشىلىعى نىساندارىن جانە گيدرومەليوراتيۆتىك جۇيەلەردى جوندەۋگە بيۋدجەتتەن 148 ملن. تەڭگە ءبولىنىپ, جۇمىس ارقاۋى شيراتىلدى.
وڭىردەگى كەيبىر سۋ قويمالارى ءالى دە يەسىز. بىرقاتارىن كوممۋنالدىق مەنشىككە قايتارۋعا قاتىستى سوت پروتسەستەرى جۇرۋدە. سوندىقتان بولىنگەن قارجىنى ازىرگە ماقساتتى جۇمساۋعا ءمۇمكىندىك بولماي وتىرعانىن ايتقان ءجون. وسىنداي سۋ قويمالارىنداعى سۋدى اعىزىپ, باسقالارىنا جىبەرۋدى قامتاماسىز ەتەتىن ەلەكترلى قۇرىلعىلاردى قالپىنا كەلتىرۋ باعىتىنداعى جۇمىستار جالعاسۋدا. قولمەن اتقارىلاتىن جانە ءشليۋزى جوندەۋسىز بىردە-ءبىر سۋ قويما بولماۋىن باسشى قاتاڭ ەسكەرتتى.
توتەنشە جاعدايلاردىڭ الدىن الۋعا وبلىستىق بيۋدجەتتەن 1 ملرد. تەڭگەگە جۋىق, ال اۋدان بيۋدجەتىنەن قوسىمشا 72 ملن. تەڭگە قارجى قاراستىرىلعانى دا اپاتتىڭ الدىن الۋداعى ناقتى جۇمىس دەۋگە بولادى.
ۇيعىر اۋدانىنداعى شارىن اۋىلىنداعى جاعدايعا بايلانىستى ازاماتتىق قورعانىس جانە اۆاريالار مەن تابيعي اپاتتاردىڭ الدىن الۋدى جانە جويۋدى ۇيىمداستىرۋ باسقارماسىنىڭ حابارلاۋىنشا ەلدى مەكەندە 1070 تۇرعىن ءۇي بار. قىزىل سۋ 9 كوشەگە, جالپى سانى 243 اۋلاعا جايىلىپ, 16 ءۇيدىڭ ىشىنە كىرگەندىگى ءسوز بولدى. شارىنداعى142 وتباسىنا 1 ملن. 136 مىڭ تەڭگەنىڭ كومەگى – ازىق-ت ۇلىك, جىلى سىرت كيىم, اياق كيىم تاۋار تۇرىندە كورسەتىلگەن. بۇعان قوسا كاسىپكەرلەردىڭ جانە اۋدان تۇرعىندارىنىڭ كومەگىمەن زاتتاي جانە قارجىلاي 3 ملن. تەڭگەنىڭ ماتەريالدىق كومەگى جينالعان. تۇرعىندار كومىر, تاعى باسقا دا تۇرمىستىق قاجەتتىلىكتەرمەن قامتاماسىز ەتىلىپ, حالىقتىڭ دەنساۋلىعى, بالالاردىڭ وقۋى قاتاڭ باقىلانۋدا.
جالپى, اۋىلدا تاسقىن سالدارىن جويۋ جۇمىستارىنا 37 تەحنيكا مەن 3 مىڭعا جۋىق ادام جۇمىلدىرىلىپ, حالىقتى قيىندىقتا قالدىرماۋ ماقساتىنداعى جۇمىس جالعاسۋدا.
كۇمىسجان بايجان.
الماتى وبلىسى.