جۇمىس: دەرەك پەن دايەك

بىل­تىر اتىراۋ ەكونومي­كا­سىنىڭ ءار سالاسىندا جاڭا جۇمىس ورىن­دارىن اشۋدىڭ مۇم­كىندىگى تابىل­عان. ياعني, با­رىس جىلى باستا­لىسىمەن 18 806 جۇمىس ورنى اشىلدى. مۇ­نىڭ ىشىندە 10 174-ءى تۇراقتى جۇمىس ورنى بولىپ تابىلادى. جۇمىس ورنىنىڭ كوپتەپ اشىلۋى قۇرىلىس يندۋستريا­سىن­دا ەرەكشە بايقالدى. ءبىر جىل ىشىندە وسى سالاعا 4 691 ادام جۇمىسقا ورنالاستى. ال ورتا جانە شاعىن كاسىپكەرلىك سالاسى بويىنشا جاڭادان 1149 جۇمىس ورنىن قۇرۋ جوبا­لارى ىسكە اسىرىلدى.

جولداسبەك شوپەعۇل. اتىراۋ وبلىسى. 

400 وسىنشا بانك قىزمەتكەرلەرى سپورتپەن تۇراقتى اينالىسادى. جىل وتكەن سايىن قىزىل­جار­لىق بانكيرلەر اراسىندا سا­لاماتتى ءومىر سالتىن ۇس­تا­نۋ­شىلار قاتارى ارتىپ كەلەدى. وعان «بانكيادا-2010» باعدار­لاماسى شەڭبەرىندە ءتۇرلى سپورت­­تىق شارالاردىڭ ۇيىم­داس­تىرىلۋى ەداۋىر سەپتىگىن تيگىزدى. جۋىردا بانكتەر اراسىندا سپورتتىڭ بۇقارالىلىعىن ارت­تىرۋعا قاتىستى قورىتىندى شىعارىلىپ, ۇجىم مۇشەلەرى­نىڭ ۇشتەن ءبىرى دەنە شىنىق­تىرۋمەن ۇزبەي اينالىساتىنى انىقتالدى. «تسەنتركرەديتبانك جانە «اليانسبانك» ۇجىمدا­رى «سپورتقا قابىلەتى ەڭ باسىم بانكتەر» اتالىمىنا يە بولدى. جەكەلەگەن اتالىمدار بويىنشا جەڭىمپازدار ءوز جۇلدەلەرىن جەتىم بالالار ۇيلەرىنە تارتۋ ەتتى.

ءومىر ەسقالي. سولتۇستىك قازاقستان وبلىسى.

68 وتكەن جىلى اقجايىقتا وسىنشاما ينۆەستيتسيالىق جوبا ىسكە اسىرىلدى. مۇنىڭ ءبارى دە «جول كار­تا­سى» جوباسىنا سايكەس ءتورت با­عىت بويىنشا شەشىمىن تاپتى. بولىنگەن قاراجاتتىڭ يگەرىلۋى 99,5 پايىز قۇرادى. جاڭا جۇ­مىس ورىندارىن اشۋ جونىن­دە­گى جوسپارلار كوزدەگەن مەجەدەن اسىپ ءتۇستى. ونىڭ جالپى سانى – 5143. كادرلار دايارلاۋعا, قايتا دايارلاۋعا بولىنگەن ءتيىستى قاراجات كولەمىنە سايكەس ادامدار وقۋعا جىبەرىلدى. مەملەكەتتىك تاپسىرىس بويىنشا ءبىلىمىن كوتەردى. مۇنداي شارالار وڭىردە بيىل تاعى دا جالعاساتىن بولادى.

تەمىر قۇسايىن. ورال.