قازاقستان رەسپۋبليكاسى ۇكىمەتىنىڭ قاۋلىسى №1374

2010 جىلعى 20 جەلتوقسان, استانا, ۇكىمەت ءۇيى پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستان شىعارۋ قاعيداسى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 39) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستان شىعارۋ قاعيداسى بەكىتىلسىن. 2. «پايدالى قازبالار قورلارىن مەملەكەتتىك تەڭگەرىمگە ەنگىزۋ جانە ولاردى مەملەكەتتىك تەڭگەرىمنەن شىعارۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 14 تامىزداعى № 762 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2006 ج., № 30, 322-قۇجات) كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.

قازاقستان رەسپۋبليكاسى ۇكىمەتىنىڭ  2010 جىلعى 20 جەلتوقسانداعى  №1374 قاۋلىسىمەن بەكىتىلگەن پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستان شىعارۋ قاعيداسى 1. جالپى ەرەجەلەر 1. وسى پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستان شىعارۋ قاعيداسى (بۇ­دان ءارى – قاعيدا) «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋ­سىمداعى زاڭىنىڭ 16-بابىنىڭ 39) تارماقشاسىنا سايكەس ءازىر­­لەندى جانە پايدالى قاز­بالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستان شىعارۋ ءتارتىبىن بەلگىلەيدى. 2. جەر قويناۋىن زەرتتەۋ مەن پايدالانۋ جونىندەگى ۋاكى­لەتتى ورگان (بۇدان ءارى – ۋاكىلەتتى ورگان) پايدالى قازبالار قورلارىنىڭ مەم­لەكەتتىك بالانسىن جاساۋدى ۇيىمداس­تى­رادى جانە جۇرگىزەدى. 2. مەملەكەتتىك بالانسقا قوسۋ ءتارتىبى 3. مەملەكەتتىك بالانسقا مىنالار ەنگىزىلەدى: ۋاكىلەتتى ورگان بەكىتكەن, قازاقستان رەسپۋبليكاسىنىڭ جەر قوي­ناۋىندا بارلانعان پايدالى قازبالاردىڭ بارلىق ءتۇر­لەرىنىڭ قور­لارى; بۇرىنعى كسرو-نىڭ پايدالى قازبالار قورلارى ءجو­نىندەگى مەملەكەتتىك كوميسسياسى جانە پايدالى قاز­بالار جونىندەگى اۋماقتىق كوميسسيالار بۇرىن بەكىتكەن پايدالى قازبالاردىڭ قورلارى; كەن ورىندارىن پايدالانۋ كەزىندە جەر قويناۋىنداعى پايدالى قازبالاردى ءوندىرۋ مەن ولاردىڭ شىعىندا­رى­نىڭ دەرەكتەرى. 4. مەملەكەتتىك بالانس كوممەرتسيالىق تابۋلار بويىن­شا پاي­دا­لى قازبالاردىڭ ءاربىر ءتۇرى قورلارىنىڭ مولشە­رى, سا­پا­سى مەن زەرتتەلۋ دارەجەسى تۋرالى, ولاردى ورنا­لاس­تىرۋ تۋ­رالى, ونەركاسىپتىك يگەرۋ دارەجەسى, ءوندىرىلۋى, شىعىن­دارى جانە ونەركاسىپتىڭ پايدالى قازبالاردىڭ بارلانعان قورلا­رىمەن قامتاماسىز ەتىلۋى تۋرالى مالىمەتتەردى قام­تۋعا ءتيىس. 5. جەر قويناۋىنىڭ مەملەكەتتىك ساراپتاماسىنىڭ وڭ قو­رى­­تىن­دىسى پايدالى قازبالار قورلارىن مەملەكەتتىك با­لانسقا ەنگىزۋ ءۇشىن نەگىز بولىپ تابىلادى. جەر قويناۋىنىڭ مەملەكەتتىك ساراپتاماسىنىڭ ءناتي­جە­لەرى حاتتامامەن رەسىمدەلەدى, وندا پايدالى قازبالار قورلا­رىن بەكىتۋ تۋ­رالى, قورلاردى ساناتتار بويىنشا ءبولۋ تۋرالى, قاتتى پايدالى قازبالاردىڭ كولەمى مەن ولاردى تاجىريبەلىك پاي­دالانۋ مەرزىمى تۋ­رالى, پايدالى قازبالار مەن ولاردىڭ كوم­پونەنتتەرىن الۋدىڭ كوەف­فيتسيەنتتەرى تۋرالى, پايدالى قازبالار قورلارىن ەسەپتەن شى­عارۋ تۋرالى, ونەر­كاسىپتىك, عىلىمي جانە وزگە دە ماقساتتاردا جەر قويناۋى تۋرالى اق­پاراتتى قولدانۋ مۇمكىندىگى تۋرالى دەرەكتەر كورىنىس تابادى. 6. مەملەكەتتىك بالانسقا ەنگىزىلەتىن پايدالى قازبالار قور­لا­رى: الدىڭعى جىلدىڭ قورلارى; ەسەپتى جىلى جەر قويناۋىنان وندىرىلگەن; ەسەپتى جىلى ءوندىرۋ ۇدەرىسىندە شىعىنعا ۇشىراعان; بالانستى جاساۋ كۇنىندەگى قورلار بولىپ بولىنەدى. كەيىنگى گەولوگيالىق بارلاۋ جۇمىستارى (بارلاۋ, قايتا باعالاۋ, قورلاردى ەسەپتەن شىعارۋ, تەحنيكالىق شەكا­را­لاردى وزگەرتۋ) مەن پايدالانۋ كەزىندە پايدالى قازبا­لاردىڭ قورلا­رىنان اۋىتقۋ قوسۋ جانە ازايتۋ بەلگىسىمەن قامتىلادى. 7. جەر قويناۋىن پايدالانۋشىلار جەر قويناۋىنىڭ جاي-كۇيى تۋرالى گەولوگيالىق ەسەپتىلىكتى ۋاكىلەتتى ورگان­نىڭ ءوڭىر­ارالىق دەپارتامەنتتەرىنە (بۇدان ءارى – ءود) جىل سايىن, ەسەپتى توقساننان كەيىنگى جىلعى 15 اقپانعا دەيىن قازاقستان رەس­پۋبليكاسىنىڭ ۇكىمەتى بەكىتكەن ارنايى نىساندار بويىنشا ۇسىنادى. 8. ءود ارنايى نىسانداردىڭ نەگىزىندە وبلىستار بويىنشا پاي­دالى قازبالار قورلارىنىڭ بالانسىن جاسايدى جانە مەملەكەتتىك بالانسقا قوسۋ ءۇشىن ەسەپتى جىلدان كەيىنگى جىلعى 1 مامىرعا دەيىنگى مەرزىمدە ۋاكىلەتتى ورگانعا ۇسىنادى. 9. ۋاكىلەتتى ورگان جىل سايىن ەسەپتى جىلدان كەيىنگى جىلدىڭ 1 ءشىل­دەسىنە دەيىنگى مەرزىمدە ءود ۇسىنعان پاي­دالى قازبالار قور­لا­رىنىڭ بالانسى نەگىزىندە پايدالى قازبا­لاردىڭ تۇرلەرى بويىنشا مەملەكەتتىك بالانستى جاسايدى. 10. مەملەكەتتىك بالانس يندۋستريالىق ساياساتتى رەتتەۋ سالا­سىن­داعى ۋاكىلەتتى ورگان بەكىتەتىن پايدالى قازبالار قورى­نىڭ مەم­لەكەتتىك بالانسىن جاساۋ جونىندەگى نۇسقاۋلىققا سايكەس جا­سالادى. 3. مەملەكەتتىك بالانستان شىعارۋ ءتارتىبى 11. وندىرىلگەن, سونداي-اق ءوندىرۋ ۇدەرىسىندە شىعىنعا ۇشى­راعان پايدالى قازبالار قورلارىن ەسەپتەن شىعارۋ باستاپقى ەسەپكە الۋ ماتەريالدارىنا نەگىزدەلگەن جەر قوي­ناۋىنىڭ جاي-كۇيى تۋرالى جەر قويناۋىن پايدالانۋشىلار ۇسىناتىن گەولوگيالىق ەسەپ­تى­لىكتىڭ ارنايى نىساندارى (بۇ­دان ءارى – ارنايى نىساندار) نەگىزىندە ولاردى تولىق ەسەپتەن شىعارۋ جولىمەن جۇرگىزىلەدى. 12. ودان ءارى گەولوگيالىق بارلاۋ جۇمىستارىنىڭ ۇدەرى­سىندە نە ساناتتاردىڭ سەنىمدىلىك دارەجەسىنىڭ نورماتيۆتىك قاتەلىكتەرى شەگىندە پايدالى قازبالاردىڭ بالانستىق قور­لارىنىڭ ءار الۋان راس­تالماۋىن جەر قويناۋىن پايدا­لانۋشى دەربەس رەسىمدەيدى, ال نورماتيۆتىك قاتەلىكتەردەن ارتىپ كەتەتىن مينۋس بەلگىسى بار قورلار راس­تالماعان جاعدايدا جەر قويناۋىنىڭ مەملەكەتتىك ساراپتاماسىنىڭ وڭ قورىتىندىسى بولعان كەزدە مەملەكەتتىك بالانسقا تۇزەتۋلەر ەنگىزۋگە جول بەرىلەدى. 13. جاڭادان بەلگىلەنگەن كونديتسيالارعا سايكەس كەلمەۋىنە باي­لانىستى ونەركاسىپتىك ماڭىزىن جويعان, تەحنيكالىق-ەكونو­ميكالىق نەمەسە تاۋ-كەن تەحنيكالىق سەبەپتەرى بو­يىنشا جۇ­مىسپەن وتەۋگە ورىنسىز, كەيىننەن گەولوگيالىق بارلاۋ جۇمىستارى مەن جۇمىسپەن وتەۋ كەزىندە نورماتيۆتىك قا­تەلىكتەردىڭ راستالماۋى ارتىپ كەتەتىن پايدالى قازبالار قورلارىن ەسەپتەن شىعارۋ جەر قويناۋىنىڭ مەملەكەتتىك ساراپتاماسى نەگىزىندە جۇزەگە اسىرىلادى. 14. پايدالانىلۋى بەكىتىلگەن كونديتسيالارعا سايكەس قازىرگى ۋا­قىت­تا ەكونوميكالىق ورىنسىز نەمەسە تەحنيكالىق ءارى تەح­نولو­گيا­لىق جاعىنان مۇمكىن ەمەس, بىراق ودان ءارى با­لانس­تىققا اۋىس­تى­رىلۋى مۇمكىن ءوندىرۋشى كاسىپورىنداردى جويۋ نەمەسە كونسەرۆاتسيالاۋ كەزىندە پايدالى قازبالاردىڭ جۇمىس­پەن وتەلگەن بالانستىق قورلارىن ەسەپتەن شىعارۋ نەمەسە ولاردى بالانستان تىس قورلار­دىڭ توبىنا اۋىستىرۋ جەر قويناۋىنىڭ مەملەكەتتىك ساراپتاما­سى­نىڭ وڭ قورىتىندىسى نەگىزىندە جۇزەگە اسىرىلادى.