2012

گالاكتيكالىق ۇندەسۋ مەن ەۆوليۋتسيالىق ىلگەرىلەۋ تابالدىرىعى مايا كۇنتىزبەلەرىن جەتە زەرت­تەگەن ايگىلى عالىم حوسە ار­گۋەل­لەس (1) 2012 جىلدى بۇكىل الەم­دىك ەۆوليۋتسيالىق ىلگەرىلەۋ مەن گالاكتيكالىق سينحروندىق ۇندەسۋ كەزەڭى دەپ بەكەر اتاماعان. سەبەبى, اتالمىش جىل 5000 جىلدىق تاري­حى بار تاس ەسكەرتكىشتەرگە تاڭبا­لانعان بايىرعى مايا كۇنتىزبە­سىن­دەگى ساۋەگەيلىك ءداۋىردىڭ سوڭى بول­ماق. دالىرەك ايتقاندا, 2012-دەگى 21 جەلتوقسان – 13 بولىكتەن تۇرا­تىن مايالاردىڭ 5126 جىل­دىق ۇلى تسيكلىنىڭ اياقتالىپ, ءبىر ءجۇ­يەگە كىرەتىن كۇن, مەركۋري, شولپان, جەر, مارس, يۋپيتەر, ساتۋرن, ۋران, نەپتۋن جانە پلۋتون سىندى ون پلانەتانىڭ گالاكتيكا­لىق مۇشەلدەن شىعاتىن مەزگىلى. ءتۇن ورتاسىندا كۇن مەن ءتۇن تەڭەلىپ, كەزىندە يسااك نيۋتون اشقان تار­تىلىس زاڭىنىڭ عالامات كۇشىنىڭ اسەرىنەن كۇن دە, جەر دە, كۇن جۇيەسىندەگى وزگە پلانەتالار دا اسپان الەمىندەگى قۇس جولىنىڭ ەكۆاتورىنان وتەتىن گالاكتيكا­مىز­دىڭ ءدال ورتاسىنداعى “قارا تەسىككە” باعىتتالعان وس بويىنا ساپ تۇزەيتىن بولادى. بۇل عاجاپ قۇبىلىستىڭ ناقتى بولار مەزگىلىن ماتەماتيكا تۇرعىسىنان, الەمدە الدىنا جان سالماعان مايا ابىز­دارى ءبىزدىڭ زامانىمىزدان 3114 جىل بۇرىن بولجاپ, ءتىپتى, كەلەسى گالاكتيكالىق شەرۋدىڭ 26000 جىل وتكەن سوڭ عانا قايتالانا­تى­نىن كەسىپ-ءپىشىپ كەتكەن سىڭايلى. ۇلى تسيكل ءتامامدالاتىن 2012 جىل بۇل كۇندە بۇكىل الەم نا­زارىندا. ونىڭ ۇستىنە اتال­مىش گالاكتيكالىق قۇبىلىستىڭ تىم جاقىنداپ قالعانىن قازىرگى زامان استرونومدارى دا تەرىسكە شى­عا­رىپ وتىرعان جوق. سوندىق­تان نەبىر ايتۋلى عالىمداردىڭ دايەكتى پايىمدارىمەن قاتار سان قيلى ساۋە­­گەيلىك بولجامدار دا, قورقى­نىشتى الىپقاشپا ما­قالالار دا, فانتاستيكالىق كينو-باياندار مەن كىتاپتار دا كەسە-كولدەنەڭدەپ, ءپى­كىر-سايىسقا ءتۇسۋ­دە. ولاردىڭ ءىشىن­­دە ايگىلى ۆيزيونەرلەر دە, فۋتۋرولوگتار دا, سوتسيولوگتار دا, ەكو­فيلوسوفتار دا بارشىلىق. بۇل توپتاعىلاردىڭ ءبىر بولىگى 2012 جىلى ورىن الاتىن الگى قۇبى­لىس­تى تەك قانا جاماندىققا جورىسا, ەكىنشى بولىگى ونى بۇكىل الەمنىڭ قايتا تۇلەيتىن, ادامزات ساناسى­نىڭ سامعاپ كوتەرىلىپ, كۇرت ىلگەرىلەيتىن ءارى تازاراتىن مەزگىلى دەپ, جاقسىلىققا بۇرادى. سوندىقتان جاماندىق وزىمەن كەتسىن دەگەن نيەتپەن ونى جاستانعان وي-پىكىر­لەردەن ات-توندى اۋلاق ۇستاپ, تەك جاقسىلىققا باعىتتالعان ءارى عى­لىمي دالەلدەرمەن دايەكتەلگەن ءتۇيىندى پايىمداردى ورتاعا سال­عان­دى ءجون كوردىك. ەندەشە, بايىرعى زاماندا قا­زىر­گىدەي وزىق تەحنولوگياسىز-اق عىلىم مەن ءبىلىمنىڭ, اسىرەسە, ماتەماتيكا مەن ارحيتەكتۋرانىڭ شىڭىنا جەتىپ, اسپان دەنەلەرى­نىڭ سان قيلى تسيكلدارىن قولمەن قويعانداي ءدال انىقتاپ, ۋاقىت پەن كەڭىستىكتىڭ سىرىن تەرەڭ ۇققان, بولاشاقتى دا ءدال بولجاي بىلگەن جانە سونىڭ ناتيجەسىندە الەمدە تەڭدەسى جوق وزىق وركە­نيەت ورناتقان مايالاردىڭ پسي­حي­كالىق بولمىس-ءبىتىمىن ولار­دىڭ شاماندىق نانىم-سەنىم­دەرى­مەن ۇشتاستىرا زەرتتەگەن, “2012 جىل: كەتسالكواتلدىڭ قاي­تا ورالۋى” جانە دە باسقا كىتاپتار مەن امەريكانىڭ ەڭ ايتۋلى جۋرنالدارىندا جارىق كورگەن ونداعان عىلىمي ماقالا­لاردىڭ اۆتورى دەنيەل پينچبەك تۇيىندەگەن سونى پايىمدارعا (2) ءبىر ءسات نازار اۋدارايىق. عالىم ءوز ەڭبەكتەرىندە 2012 جىلى ورىن الۋى مۇمكىن قاۋىپ-قاتەردى جوققا شىعارمايدى, ءبى­راق الگىلەردىڭ سالدارىن ازايتا­تىن ءتيىمدى جولداردىڭ دا بار ەكەنىن ەسكەرتە كەلىپ, ولاردىڭ ءۇل­كەن قار­قىنمەن وزگەرىپ كەلە جات­قان ادام ساناسىمەن بايلا­نىستى ەكەنىن العا تارتادى. دەنيەل پينچ­بەك قا­زىر­گى كەزدە ادام ساناسىن وزگەرتۋگە يتەرمەلەپ وتىرعان باس­تى سەبەپتەردى ءۇش توپقا بولەدى. ءبىرىنشى توپقا ول ەكولوگيالىق داع­دارىس پەن كۇرت وزگەرىپ كەلە جات­قان كلي­ماتتى جانە سونىڭ سال­دارىنان تۇقىمى قۇرىپ بارا جات­قان جان-جانۋارلار دۇنيەسى مەن تابيعي بايلىقتاردىڭ سار­قىلۋىن, ەكىنشى توپقا تەز ىلگەرىلەپ كەلە جات­قان اقپارات تەحنو­لوگيا­لارىن, اسىرە­سە, وتە جىلدام دامىعان ينتەرنەت عالامتورى مەن ۇيالى بايلانىس قۇرالدارىن, سول سياق­تى كەلەشەكتە سالدارى جويقىن اپاتقا سوق­تىرۋى مۇمكىن نانو­تەح­نولوگيا­لاردى, ال ءۇشىنشى توپ­قا قولمەن ۇستاپ, كوز­بەن كورۋگە استە بولماي­تىن تەلە­پا­تيالىق, ەكستراسەنسور­لىق نەمەسە پسيحوفيزيكالىق قۇ­بى­لىستاردى جات­قىزادى. جوعارى­دا اتالعان­داردىڭ ءبارى دە ادام ساناسى مەن پسيحيكاسىنىڭ ءوز­گەرۋىنە ۇلكەن ىقپال جاسايتىن فاكتورلار ەكەنىن ايتا كەلىپ, عالىم ەڭ سوڭعى توپ­تاعى ادامنىڭ تەلەپاتيالىق, ەكس­تراسەنسورلىق جانە پسيحو­في­زي­كالىق قابىلەت­تەرىنە ايرىق­شا ءمان بەرۋ كەرەكتىگىنە نازار اۋدارا­دى. سەبەبى, دەنيەل پينچبەك ءوزى سياقتى ادام­نىڭ الگىندەي ەرەكشە قابىلەت­تەرىنىڭ سىرىن ۇعۋ­دى زەرتتەۋ جۇ­مى­سىنىڭ نەگىزگى وزەگىنە اينالدىر­عان اعىلشىن عالىمى رۋپەرت شەلدرەيكتىڭ ەنگىزگەن “ادام پسي­حيكاسىنىڭ مور­فو­گەنەتيكالىق ءورى­سى” دەگەن تەرميندى باسشىلىققا الا وتىرىپ, تەلەپاتيالىق قاسيەت پەن قابىلەت كوپشىلىك نازارىنا ىلىككەن سايىن جانە ولارعا كوڭىل نەعۇرلىم كوبى­رەك بولىنگەن سايىن كۇشەيە تۇسە­تىنىن العا تارتادى. عالىم­نىڭ بۇل پايىمى نەگىزسىز ەمەس. ءويت­كەنى, مۇنداي تۇجىرىمعا ول مايا شا­مان­دارىمەن (باقسى­لارى­مەن) ەتە­نە ارالاسا ءجۇرىپ, ولار­دىڭ مور­فو­گەنەتيكالىق ءورىسىن زەرتتەۋ بارى­سىندا كوز جەتكىزگەن. مور­فو­گەنە­تيكالىق ءورىستىڭ يتتەرگە دە ءتان قۇبىلىس ەكەنىن رۋپەرت شەلدرەيك ناقتى دالەلدەپتى. عالىم ءارتۇرلى يتتەرمەن ارنايى ەكسپەري­مەنت ءجۇر­گىزىپ, ولاردىڭ بولمە­لەرى­نە ارنايى ورنالاستىرىلعان ۆيدەو-كامەرالار ارقىلى 200 ءيتتىڭ تەلەپا­تيالىق قابىلە­تىن انىقتاعان.عالىم يتتەر­دىڭ الىستا جۇرگەن يەلەرىنىڭ ۇيگە بەت العان ءاربىر ءساتىن اينىت­پاي سەزىپ, مازاسىزدانا باس­تايتىنىنا كوز جەتكىزگەن. عىلىم مەن ادامزاتتىڭ رۋحاني قۇندىلىقتارىنىڭ بايلانى­سىن ءوز زەرتتەۋلەرىنىڭ باستى نىسا­ناسىنا اينالدىرعان ءارى ادام ساناسى مەن سەنىمىنىڭ عالامدى وزگەرتە الاتىن قۋاتتى كۇش ەكەنىنە ءوزىنىڭ دە, وزگەنىڭ دە كوزىن جەتكىزگەن ايگىلى امەريكالىق عالىم گرەگگ برەيدەننىڭ (3) قۇندى پىكىرى دە ايتۋعا تۇرارلىق. ول – بايىر­عى مايالار اشقان استرونوميا­لىق زاڭدىلىقتار مەن ولاردىڭ ساۋەگەيلىك وي-پىكىرلەرىن قازىرگى فيزيكا عىلىمىنىڭ ناتيجەلەرى­مەن ساباقتاستىرا زەردەلەپ, كۆانت­تىق تەوريامەن شەبەر ۇش­تاس­تىرا بىلگەن عۇلاما. كەزىندە “مارتين ماريەتتا اەروسپەيس” كومپانياسىنىڭ اۋەعارىشتىق كومپيۋتەرلەر جۇيەسىن جاساقتاپ, “سيسكو سيستەمس” كورپوراتسياسى­نىڭ تەحنيكالىق جەتەكشىسى بول­عان گرەگگ برەيدەننىڭ عىلىمي تۋىندىلارى بۇگىندە 14 تىلگە اۋ­دارىلىپ, 23 ەلدە جارىق كورگەن. ول – “سانا كودى”, “قۇدىرەتتى ماتريتسا” سەكىلدى بىرنەشە قۇندى ەڭ­بەكتەردىڭ اۆتورى. ويشىل عالىم 2012 جىلدىڭ سوڭىنا تامان ورىن الاتىن جوعارىدا اتالعان گالاك­تيكالىق قۇبىلىستىڭ سالدارى جەر ماگنيت ءورىسىنىڭ وزگەرۋىنە نەمەسە ماگنيت پوليۋستەرىنىڭ كۇرت اۋىسىپ كەتۋىنە (ينۆەرسياعا) اكە­لىپ سوقتىرۋى دا مۇمكىن دەگەن بولجام جاسايدى. برەيدەن ءوز پايىمداۋلارىنىڭ نەگىزسىز ەمەس ەكەندىگىنىڭ دالەلدەرى رەتىندە كۇن بەتىندەگى داقتار مەن جويقىن ماگنيت داۋىلدارىنىڭ اراعا 10-11 جىل سالىپ قايتالاپ, بۇرىنعىدان بەتەر ۇدەپ وتىراتىنىن, سول سياق­تى, 2000 جىلى شەگىنە جەتكەن جەردىڭ ماگنيتتىك بەلسەندىلىگىنىڭ قازىرگى كەزدە 38 پايىزعا تومەن­دەگەنىن تىلگە تيەك ەتىپ, الەمدە 1800-ءشى جىلدان بەرمەن قاراي جۇرگىزىلىپ كەلە جاتقان عىلىمي ەكسپەريمەنتتىڭ ناتيجەسى كورسەتىپ وتىرعانداي, سوڭعى 100 جىلدا جەر ماگنەتيزمىنىڭ 7 پايىزعا كەمىپ كەتكەنىن كولدەنەڭ تارتادى. عالىم سىلتەمە جاساعان جانە ءبىر گەولوگيالىق دەرەك كوزىنە قارا­عاندا, كەيىنگى 76 ميلليون جىل ىشىندە ماگنيتتىك ينۆەرسيا جەردە 171 رەت, ونىڭ ىشىندە سوڭعى 4,5 ميلليون جىل ىشىندە 14 مارتە قايتالانعان سىڭايلى. گرەگگ برەيدەننىڭ ادام سانا­سىنا قاتىستى باسقا پايىمداۋ­لارى دا ەشكىمدى بەي-جاي قالدىر­مايدى. 1993 جىلى عالىم جەردىڭ ماگنيت ءورىسى اۋىتقۋىنىڭ ادام ميىنا قانشالىقتى اسەر ەتەتىنىن انىقتاۋ ءۇشىن حالىقارالىق دەڭ­گەي­دە نىسانالى زەرتتەۋ جۇرگىزگەن ءبىر توپ عالىم اشقان كەرەمەت جاڭالىقتىڭ كۋاسى بولعانىن ايتا كەلە, زەرتتەۋ ناتيجەسىندە الگى عا­لىمدار, بىرىنشىدەن, ادام ميىن­دا ميلليونداعان ماگنيت بولشەك­تەرى­نىڭ بار ەكەنىن دالەلدەسە, ەكىنشىدەن, الگىلەردىڭ جەر ماگنيتى ورىسىمەن تىكەلەي ءۇن قاتىسىپ وتىراتىنىنا كوز جەتكىزگەن. بۇل عاجاپ عىلىمي جاڭالىق برەيدەنگە ءوزىن كوپتەن ويلاندىرىپ ءجۇر­گەن جانە ءبىر جۇمباق قۇبىلىستىڭ سىرىن ۇعۋعا جول اشادى. ادام ميىنداعى ماگنيت بولشەكتەرىنىڭ سىرتتان كەلەتىن ەلەكتروماگنيتتىك تەربەلىستەردى قابىلدايتىن قاسيە­تى مەن قابىلەتىن گرەگگ برەيدەن مۋزىكانتتار مەن سۋرەتشىلەردىڭ اي تولعان ءساتتى اسىعا كۇتەتىنىنىڭ ەڭ باستى سەبەبى دەپ پايىمدايدى. ويدى وي قوزعايدى دەمەكشى, جوعارىدا اتالعان زاڭدىلىققا سۇيەنسەك, ايدىڭ ەلەكتروماگ­نيت­تىك ءورىسى تەڭىز سۋلارىنىڭ اۋىق-اۋىق جاعادان اۋلاقتاپ, تارتىلۋى مەن كەيىن سەرپىلۋىنە قالاي اسەر ەتسە, ادامزاتقا دا, فاۋنا مەن فلوراعا دا ءدال سولاي اسەر ەتەتىن بولعانى عوي. دەمەك, برەيدەننىڭ ايدىڭ ەلەكتروماگنيتتىك قۋاتىن ادام ميىنداعى ماگنيت بولشەك­تەر­گە تىكەلەي اسەر ەتەتىن, شابى­تىن شالقىتاتىن فاكتور رەتىندە قاراستىرۋى ساناعا قوناتىن پا­يىم. ويتكەنى, عىلىم دالەلدەگەن جانە ءبىر دەرەك (4) بويىنشا, جەردەگى سۋدىڭ كولەمى مەن ادام ورگانيزمىندەگى سۋدىڭ قۇرامى 70 پايىزدى قۇراسا, ادام ميىنداعى بۇل كورسەتكىش 85 پايىزعا تەڭەلە­دى ەكەن. دەمەك, تەڭىز سۋلارىن قوز­عايتىن ايدىڭ قۋاتى ادام ميىن­داعى سۋعا دا ءدال سولاي اسەر ەتەتىنىن ءتۇسىنۋ قيىن بولماسا كەرەك. ءوز تۇجىرىمىنىڭ دۇرىستى­عىن تەرەڭىرەك دالەلدەي ءتۇسۋ ءۇشىن گرەگگ برەيدەن جانە ءبىر-ەكى مىسال كەلتىرەدى: 1909 جىلى بريتاندىق فيزيك دجەفري ينگرام تەيلور عىلىمي ەكسپەريمەنت جاساپ, الگى ەكسپەريمەنتتى سىرتتاي باقىلاعان ادامنىڭ ەلەكتروماگنيتتىك ءورىسى­نىڭ نەمەسە تەربەلىسىنىڭ ەكسپەري­مەنت جاسالعان بولمەدەگى كۆانت­تىق بولشەكتەردىڭ “تارتىبىنە” تىكەلەي اسەر ەتكەنىنە كوز جەتكىزەدى. 1998 جىلى تەيلوردىڭ الگى ەكسپەريمەنتىن ءيزرايلدىڭ ۆەيتسمان ينستيتۋتىنىڭ عالىمدارى دا قايتالاپ, تۋرا سونداي ءناتي­جەگە قول جەتكىزەدى. ولار تەيلور اشقان جاڭالىقتىڭ دۇرىستىعىنا كوز جەتكىزىپ قانا قويماي, الگىن­دەي ەكسپەريمەنتكە نەعۇرلىم كوپ ادامنىڭ نازارى اۋسا, ەكسپەري­مەنت تە سوعۇرلىم ناتيجەلى بولا­تىنىن دالەلدەگەن. گرەگگ برەيدەن اتالعان ەكسپەريمەنتتەردىڭ ءناتي­جە­سىن نەگىزگە الا وتىرىپ, ادام­زات­تىڭ ساناسى ءبىر فوكۋسقا باعىت­تالسا وتە پارمەندى قۋات كوزىنە اينالاتىنىنا تيتتەي دە كۇمان كەلتىرمەيدى. دەمەك, كوپشىلىك قاۋىم بىلە بەرمەيتىن بۇل قۇبى­لىستى بۇكىل ادامزات بىلەتىندەي ەتىپ دارىپتەۋ قاجەتتىگى سۇرانىپ-اق تۇر. ونىڭ ۇستىنە ادام سانا­سىنىڭ پارمەندى كۇش ەكەنىن باسقا عالىمدار دا قۇپتايدى. مىسالى, جاپونيا عالىمى ماسارۋ ەموتو­نىڭ (5) سانا قۋاتىنا قاتىستى كوزقاراسى رۋپەرت شەلدرەيك پەن گرەگگ برەيدەننىڭ پايىمدارىن ودان بەتەر تەرەڭدەتە تۇسەدى. سۋدىڭ قاسيەتى مەن قىر-سىرىن جان-جاقتى زەرتتەپ, الەمدىك ءمانى بار جاڭالىقتار اشقان ماسارۋ ەموتو – ءتول تىلىمىزدەگى “سۋدىڭ دا سۇراۋى بار” دەگەن اكسيومانىڭ نەگىزسىز ەمەس ەكەنىن عىلىمي تۇر­عى­دان شىڭىنا جەتكىزە دالەلدە­گەن دانىشپاننىڭ ءدال ءوزى. مىسا­لى, عالىمنىڭ ەڭبەكتەرىنە www.spiritofmaat.com (ينتەرنەت-جۋرنال) بەرگەن وڭ پىكىردىڭ ورىسشا ءماتىنى بىلايشا سويلەيدى: “ماسارۋ ەموتو راسشيفروۆىۆاەت ينفورماتسيۋ, زالوجەننۋيۋ ۆ كريستاللاح زاموروجەننوي ۆودى, - ي پولۋچاەت پوترياسايۋششيە رەزۋلتا­تى! ەسلي ۆى دو سيح پور سومنەۆاەتەس ۆ توم, چتو ۆاشي مىسلي ۆوزدەيستۆۋيۋت نا مير ۆوكرۋگ ۆاس, پوزناكومتەس س ترۋدامي ەموتو.” الەم­دىك عالامتور جۇيەسىنىڭ ءبىرى - كرايون سايتى (www.kryon.com) جا­ريالاعان تومەنگى جولدار ال­دىڭ­عى پىكىردىڭ ءمانىن تەرەڭدەتە تۇسەدى: “ەكسپەريمەنتى ياپونسكوگو ۋچەنوگو ماسارۋ ەموتو ۋبەديتەلنو دەمونستريرۋەت ۆليانيە, وكازىۆاەموە چەلوۆەچەسكيم سوزنانيەم نا ماتەريۋ – ۆ داننوم سلۋچاە نا ۆودۋ.” (بۇل پىكىرلەر عالىم ەڭبەكتەرىنىڭ 2006 جىلى ورىس تىلىندە جارىق كورگەن نۇسقالارى­نان الىنعاندىقتان سول قالپىندا بەرىلىپ وتىر.) شىندىعىندا دا, ماسارۋ ەموتو – سۋدىڭ كورە الاتىن, ەستي الاتىن, ءتىپتى ەستىگەن-كورگەندەرىن جادىنا توقي الاتىن جانە جاقسى ءسوز بەن جامان ءسوزدى اجىراتا بىلەتىن, ءتىپتى, قۇلاق قۇرىشىن قاندى­راتىن سازدى مۋزىكادان سۋدىڭ “جادىراپ”, دورەكى ءسوز بەن ۇنام­سىز ۇننەن “كۇيزەلەتىن”, بىراق حيميالىق قۇرامى ۇنەمى تۇراقتى قالپىندا قالىپ, فيزيكالىق قۇ­را­مى تولاسسىز وزگەرىپ وتىراتىن عاجايىپ قاسيەتتەرىن جان-جاقتى اشا بىلگەن عالىم. ماسارۋ ەمو­تونىڭ زەرتتەۋ جۇمىستارىنىڭ ەڭ باستى قۇندىلىعى سۋدىڭ ادام ساناسى مەن جان-دۇنيەسىندەگى ەمو­تسياسىن تابان استىندا سەزە قوياتىن قابىلەتى مەن بۇكىل جاھان­داعى سان قيلى ەلەكتروماگنيتتىك تەربەلىستەردىڭ ءبىرىن قالدىرماي سەزىپ وتىراتىن ءارى ءسىڭىرىپ الاتىن مۇمكىندىگىنىڭ شەكسىز ەكەنىن ءدا­لەل­دەپ بەرگەندىگىندە جاتىر. ادام­زات ارمانداپ جۇرگەن ورتاق ءتىلدى عۇلاما عالىم سۋدان, دالىرەك ايتقاندا سۋدىڭ مۇز قالپىنداعى كريستالدارىن ميكروسكوپ ارقىلى زەرتتەگەن كەزدە تابادى. ادام ساناسى­نىڭ سۋدىڭ فيزيكالىق قۇ­را­مىن وزگەرتە الاتىن قۋاتىن باسشىلىققا الا وتىرىپ, 1999 جى­لى ماسارۋ ەموتو جاپونيا­نىڭ ەڭ ۇلكەن كولى – بيۆانى تازارتۋعا بەل بايلايدى. سەبەبى, ءدال سول كەزدەردە: “بيۆا تازا بولسا, جاپونيانىڭ بارلىق سۋى تازا بولادى”, دەگەن جاپوندىقتاردىڭ ەسكى ماقالى مانىنەن ايىرىلعان­داي بولىپ, بۇكىل حالىق ءپىر تۇتا­تىن الگى كول قالىڭ بالدىردان قات­تى لاستانىپ, يىستەنە باستاپ­تى. ماسارۋ ەموتونىڭ ۇيىمداس­تىرۋىمەن بەلگىلى ءبىر كەلىسىلگەن ۋاقىتتا جاپونيانىڭ “كيەلى قۇر­ساق” نەمەسە “انا كول” اتانىپ كەتكەن بيۆانىڭ جاعاسىنا 350 شاقتى ادام جينالادى. ولاردىڭ اراسىنا 97 جاستاعى اۋزى دۋالى ءارى ءسوز رۋحىن وتە قادىرلەيتىن ەموتونىڭ ۇستازى نوبۋو سيويا ەسىمدى ابىز اقساقال دا كەلىپ قو­سىلادى. كەلگەن ادامداردىڭ باس­تى ماقساتى جاراتقانعا جال­بارى­نىپ, بيۆانىڭ تازالىعى مەن الەم­نىڭ تىنىشتىعىن تىلەپ نيەت قىلۋ بولعان. ۇستاز اقساقالدىڭ باسشىلىعىمەن 350 ادام قوسىلا شىرقاعان دۇعالى ءان اينالانى جاڭعىرتىپ, كول ايدىنىن شارلاپ كەتەدى. الگى باسقوسۋدان كەيىن ءبىر اي وتپەي-اق جەرگىلىكتى گازەتتەر كيەلى كولدىڭ تازارا باستاعانى جاي­لى اقپارات تاراتادى. وسىدان سوڭ ماسارۋ ەموتونىڭ ادام سا­ناسى مەن سول سانادان ءوربيتىن ءسوز رۋحىنىڭ ماتەريانى وزگەرتە الا­تىن قۋاتىنا دەگەن سەنىمى بۇرىن­عىدان دا كۇشەيە تۇسەدى. عالىم ەندى بۇل قۇبىلىستىڭ عى­لىمي نەگىزىن ىزدەيدى. ىزدەگەن جو­عىن ول ايگىلى البەرت ەينشتەين­نىڭ قۋات تابيعاتىن بەينەلەيتىن E=MC² فورمۋلاسىنان تابادى. سەبەبى, الگى فورمۋلانىڭ ءمانى قۋات(E) ماسسا(M) مەن ساۋلە(C) جىلدام­دىعى كۆادراتىنىڭ كو­بەي­تىندىسىنە تەڭ دەگەن زاڭدىلىق­تى بىلدىرەدى. بىراق ماسارۋ ەموتو ەينشتەين فورمۋلاسىنداعى ءساۋ­لە دەگەن ۇعىمدى سانا دەگەن ۇعىم­مەن ال­ماستىرىپ قولدانا­دى. مە­نىڭشە, جاپون عالىمىن وسى ءبىر باتىل­دىعى ءۇشىن جاز­عىرۋ­دىڭ رەتى جوق سياقتى. ويتكەنى, سانانىڭ جىل­دامدىعى ساۋلەنىڭ جىلدام­دى­عىنان وزباسا, قالا قويمايدى عوي. ال ەندى وسى تۇر­عىدان ەينشتەين فور­مۋ­لاسىن قولدا­نىپ, جەر بەتىندەگى التى ميلليارد حالىقتىڭ قۋا­تىن سونشاما حالىقتىڭ ماسسا­سى مەن سونشاما ادامزاتتىڭ سانا جىل­دامدىعى­نىڭ كۆادراتىنا كو­­بەيتسەك, ءناتي­جەسى شەكسىز كۆين­تيلليارد سان بولارىن كوزگە ەلەس­تەتۋ قيىنعا سوقپاسا كەرەك. دەمەك, سانادان شىققان ەلەك­تروماگنيتتىك يمپۋلس بۇكىل گا­لاكتيكانى شارلاپ كەتەتىنىنە كۇ­مان كەلتىرۋگە بول­مايدى. مۇن­­دايدا ارا قاشىق­تىق­ت­ىڭ قانداي دا ءبىر الىستىعى ادام ساناسىنىڭ جىلدامدى­عىنا توس­قاۋىل بولا المايدى. ونىڭ ۇستىنە قازىرگى عىلىمدار سىرىن ۇعا باستاعان تەلەپاتيا­لىق قۇ­بىلىس پەن كورىپكەلدىكتىڭ دە استارىندا كۆانت­تىق فيزيكا­نىڭ قاعيدا­لارى جاتقانىن كەيىنگى كەزدە اشىلعان عىلىمي جاڭا­لىقتار مەن زاڭدىلىقتار تولىق دالەل­دەپ وتىر (6). ءدال وسى تۇستا دانا حالقى­مىزدىڭ “كوڭىل جۇيرىك پە, كوك دونەن جۇيرىك پە؟” دەگەن جۇمباق ناقىلى ەرىكسىز ەسكە تۇسەدى دە كوڭىلدىڭ جۇيرىك ەكەنىن بىردەن مويىندايسىڭ. ويتكەنى, كوڭىلدىڭ كوزى سانا ەمەس دەپ كىم ايتا الادى؟ ونى بىلاي قويعاندا سانا قۋاتى مەن سانادان باستاۋ الاتىن ءسوز ماگياسىنىڭ قۋاتىنا سەنۋ - الەمدىك امبەباپ فەنومەن. ماسەلەن, ءوز تىلىمىزدەگى “جاقسى نيەت – جارىم ىرىس”, “كوپ تىلەسە كول بولادى”, “باتامەن ەر كوگەرەدى” سەكىلدى ماقال-ماتەل­دەر­مەن قوسا تۇرمىس-سالتىمىز­داعى ەجەلدەن كەلە جاتقان جاق­سىلىققا باعىشتاپ, جاستارعا باتا بەرۋ, اسقا باتا بەرۋ نەمەسە ەرتەرەكتە قۇرعاقشىلىق جىل­دارى جاراتقاننان جاڭبىر تىلەپ, تاساتتىق بەرۋ ءداستۇرى ەرىككەننىڭ ەرمەگى ەمەس قوي. مۇنىڭ بارلىعى دا ادامزاتتىڭ سانا قۋاتىنا, سانادان ءوربيتىن ءسوز قۇدىرەتىنە سەنۋدىڭ ومىردەگى شى­نايى كورىنىستەرى. سوسىن مۇن­­داي سەنىمنىڭ بۇكىل ادامزات­قا ءتان قۇبىلىس ەكەنى دە داۋ تۋعىزبايدى. ويتكەنى, جوعارى­داعى عىلىمي ەكسپەريمەنتتەردىڭ ناتيجەلەرى وسى پىكىردى جان-جاقتى دالەلدەپ تۇر. دەمەك, بۇدان شىعاتىن قورى­تىندى مىناۋ بولماق: 2012 جىل­دان ادامزات تەك جاقسىلىق كۇتسە عانا امان وتەدى. سوسىن, پلانەتالار ساپقا تۇراتىن 2012 جىلدى ادامزات ساناسىن وزگەر­تەتىن جانە ونى گالاكتيكالىق دەڭگەيگە كوتە­رەتىن ۇلى تابال­دىرىق دەپ قابىل­داۋ قاجەت. ءدال وسى جەردە باسىن اشىپ ايتا كەتەتىن جانە ءبىر شىن­دىق مىناۋ: مۇشەل جاسپەن باي­لا­نىستى ورىن الاتىن قاۋىپ-قاتەر­لەردى جوق­­قا شىعارۋعا مۇلدە بولماس, بىراق مايا كۇن­تىزبەسىندەگى ۇلى تسيكلدىڭ سوڭىن “اقىرزامان” دەپ قابىل­داۋدان اۋلاق بولعان دۇرىس. ويتكەنى, ونداي تسيكلدار بۇرىن دا بولعان, كەيىن دە بولا بەرەدى. ماسەلەن, مايالاردىڭ ەسەبى بويىنشا, كەلەسى تسيكلدىڭ رەتتىك سانى بەسىنشى بولماق. سەبەبى, مايا كوس­مولوگياسىندا كەلەسى ۇلى تسيكل بەسىنشى كۇن دەپ اتالادى. دەمەك, تىرشىلىكتىڭ جال­­­عا­سا بەرەتىنىنە مايا استرو­نوم­دارى مەن استرو­لوگتارى دا كۇمان كەلتىرمەگەن. ەندەشە, 2012 جىلى بولاتىن پلانەتالار شەرۋىن تەك جاقسى­لىق­قا باستاي­تىن ۇلى نىشانعا جو­رىپ, سانا فوكۋسىن دا تەك جاقسى­لىققا باعىتتاۋ – جارقىن بولا­شا­عىن ويلايتىن ءاربىر ازا­ماتتىڭ مىندەتى. سوندىقتان 2012 جىلدى ادامزات ساناسىن گالاكتي­كالىق دەڭ­گەيگە كوتەرەتىن, جا­مان­دىق ءبىت­كەن­نىڭ ءبارىن ارتتا قال­دىرىپ, سانانى تازارتا­تىن, بۇكىل ادامزاتتى جاڭا دا ۇلى داۋىرگە شى­عارىپ سالاتىن كيەلى تابال­دىرىق دەپ قابىل­دايىق, اعايىن. بۇل ۇلى سەنىمدى ادام ساناسىنا ۇيالاتاتىن امبە­باپ تەتىك تەك اقپارات قۇرالدارى ەكەنىن ەسكەرە وتىرىپ, وسى ماق­ساتقا تەز جەتۋ ءۇشىن گازەتتەر مەن جۋرنالدار, راديو مەن تەلەارنالار جانە ينتەرنەت جەلىلەرى جاق­سىلىق يدەيا­سىن دارىپتەۋگە جۇ­مى­لا كىرىسسە, نۇر ۇستىنە نۇر بولار ەدى دەگەن تىلەك بىلدىرگىم كەلەدى. ءادىل احمەتوۆ, سەناتور,قازاقستاننىڭ ەڭبەك سىڭىرگەن قايراتكەرى. _____________________ قولدانىلعان ادەبيەتتەر 1. حوسە ارگۋەللەس. فاكتور مايا. زاگادكا 2012. “سوفيا”, 2010. 2. گرەگگ برەيدەن, پيتەر راسسەل, ەرۆين لاسلو..., دەنيەل پينچبەك ي در. 2012: وكنو ۆوزموجنوستەي. ۆزگلياد نا مير ۆ ەپوحۋ پەرەمەن گلازامي ۆسەميرنو يزۆەستنىح ۋچەنىح, ۆيزيونەروۆ ي يسسلەدوۆاتەلەي. موسكۆا, 2010., اتالعان جيناققا باس-اياعى 24 عالىمنىڭ تاڭداۋلى ماقالالارى كىرگەن. 3. الدىڭعى سىلتەمەنى قارا­ڭىز. 4. ماسارۋ ەموتو: پوسلانيە ۆودى: كريستاللى جيزني. پەرەۆود س انگل., مينسك, 2006; پوسلانيە ۆودى: تاينىە كودى كريس­تاللوۆ لدا. پەرەۆود س انگل., موسكۆا, “سوفيا”, 2006; پوسلانيە ۆودى. پەرەۆود س انگل., مينسك, 2006. 5. ماسارۋ ەموتونىڭ اتالعان ەڭبەكتەرىن قاراڭىز. 6. كارل مارەت. زاگادكا 2012 گودا. عالىمنىڭ بۇل ماقالاسى جوعارىد­اعى ەكىنشى سىلتەمەدە كورسەتىلگەن عىلىمي جيناق­تىڭ ىشىندە.