مەملەكەت باسشىسى نۇرسۇلتان نازارباەۆ ءبىلىم جانە عىلىم ءمينيسترى باقىتجان جۇماعۇلوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ب.جۇماعۇلوۆ پرەزيدەنتكە ۆەدومستۆونىڭ 2010 جىلعى قىزمەتىنىڭ نەگىزگى قورىتىندىلارى تۋرالى باياندادى.
2010 جىلى ەلىمىزدە مەكتەپكە دەيىنگى مەكەمەلەردىڭ سانى 41 پايىزعا كوبەيدى, 93 مەكتەپ, 28 تەحنيكالىق جانە كاسىپتىك ءبىلىم بەرۋ ورىندارى سالىندى, «نازارباەۆ ۋنيۆەرسيتەتى», تۇركى الەمى اكادەمياسى اشىلدى. ءبىلىم مەن عىلىمعا بولىنگەن قارجى كولەمى 797 ملرد. تەڭگەنى نەمەسە ءىجو-ءنىڭ 4,1 پايىزىن قۇرادى. قازاقستان يۋنەسكو-نىڭ ءبىلىمدى دامىتۋ يندەكسى بويىنشا 4-ورىندى يەلەندى. 2010 جىلى ناۋرىزدا ەلىمىز بولون پروتسەسىنە كىردى.