قايتا جاراقتاندىرىلىپ, قۋاتى ارتتى

تاۋەلسىزدىك تارتۋى «اقتوبە مەتالل قۇرىل­عى­لا­رى زاۋىتى» جشس-ءنىڭ جۇمىس ىستەپ تۇرعان كاسىپورنىن قايتا جاراقتاندىرۋ جۇمىستارى اياق­تا­لىپ, پايلالانۋعا بەرىلدى. بۇل جوبا قالانى ۇدەمەلى ين­دۋس­تريالىق-يننوۆاتسيالىق دا­مى­تۋ باعدارلاماسى اياسىندا ءجۇ­زەگە اسىرىلدى. وعان سا­لىن­عان ينۆەستيتسيا كولەمى 350 ميل­ليون تەڭگەنى قۇرادى. قايتا جاراقتاندىرۋ بارى­سىن­دا زاۋىتتىڭ وندىرىستىك قۋا­تىن ۇلعايتۋ, وسى زامانعى تەح­نولوگيالىق ۇدەرىستەر مەن باع­دارلامالىق جۇمىستاردى ەنگىزۋ, ءونىمنىڭ جاڭا تۇرلەرىن شى­عارۋدى مەڭگەرۋ, زاۋىتىشىلىك لو­گيستي­كا­نى وڭتايلاندىرۋ جانە ءوندىرىس­تىڭ تيىمدىلىگىن ارت­تىرۋ جونىندەگى جۇمىستار جۇرگىزىل­دى. جاڭا كورپۋس تۇرعىزىلدى, 1000 كۆت ارا­لىق ستانسا پاي­دالانۋعا بەرىلدى. زاۋىت تەحنيكالىق دا­مى­تۋ­دىڭ بەكىتىلگەن جوسپارىنا سايكەس, وسى زامانعى جوعارى تەح­نولوگيالىق جانە دالدىگى جوعارى قۇرال-جابدىقتارمەن قايتا جاراقتاندىرىلدى. ات­قا­رىلعان ءىس-شارالاردىڭ ار­قا­سىندا كاسىپورىننىڭ جوعارى ساپالى مەتالل قۇرىلعىلارىن ءوندىرۋ قۋاتى ەكى ەسەگە ءوسىپ, ايىنا 1000 تونناعا جەتتى. شى­عارىلاتىن ءونىمنىڭ نەگىزگى ءتۇر­لە­رىنىڭ اراسىندا بازالتتى تال­شىقتى جىلىتقىشى بار «سەندۆيچ» تيپىندەگى قابىرعا جانە توبە جاباتىن پانەلدەر بار. ولار تۇرعىن ءۇي, قوعام­دىق جانە وندىرىستىك عيمارات­تار­دىڭ سىرتقى قابىرعالا­رى­نا, توبە­لەرىنە, شاتىرلارىنا جانە قا­بىر­عالار اراسىنا ارنالعان. زاۋىت بيىكتىگى 200-دەن 1300 مم-گە دەيىن بولاتىن دانەكەر­لە­نەتىن بولات دۆۋتاۆرلار, مۇ­ناي, مۇناي ونىمدەرىن, اۋىز سۋ جانە تەحنيكالىق سۋ, قىش­قىل­دار ساق­تاۋ­عا ارنالعان جەر استى جانە جەر بەتىندەگى سىيىم­دىلىق­تار­دى شىعارادى. سونى­مەن قاتار, قوي­مالار, ءون­دىرىستىك تسەحتار, ساۋدا كەشەندەرى سياقتى ونەر­كا­سىپ­تىك مەتالل قۇرىل­عى­لا­رىن داي­ىن­­دايدى. كا­سىپورىن قايتا جا­راق­­تاندى­رىل­عاننان كەي­ىن قو­سىم­شا جاڭا جۇمىس ورىندارى اشىلدى. ساتىبالدى ءساۋىرباي, اقتوبە وبلىسى.