وبلىس ورتالىعىندا «دامۋ» كاسىپكەرلىكتى دامىتۋ قورى» اق-تىڭ وكىلدەرى سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتە بولدى. ولاردىڭ نازارىنا Enactus PSU اتتى ستۋدەنتتەردىڭ ستارتاپ-جوبالارى ۇسىنىلدى. بۇعان دەيىن وقۋ ورنىندا «بيزنەس جانە ءبىلىم بەرۋ» تاقىرىبىن ارقاۋ ەتكەن «ستۋدەنت جاستار بيزنەس-باستامالارىنىڭ» فورۋمى دا بولىپ وتكەن-ءدى. وعان ەلىمىزدىڭ وڭىرلەرىنەن ستۋدەنت جاستار, بيزنەس سەرىكتەستەر, مەملەكەتتىك ورگان قىزمەتكەرلەرى, بەلگىلى كاسىپكەرلەر قاتىستى. ماقساتى – بيزنەس جانە ءبىلىم بەرۋدىڭ سەرىكتەستىگى مەن جاستار كاسىپكەرلىگىنىڭ دامۋى, جەكە بيزنەستى اشۋ مۇمكىندىگى مەن بيزنەستى جۇرگىزۋ قابىلەتىن ۇشتاۋ, اعا بۋىننىڭ كەيىنگى تولقىنمەن كاسىپكەرلىك ءارى مەنەدجمەنت تاجىريبەسىن ءبولىسۋ. فورۋمدا Enactus Kazakhstan وڭىرلىك وكىلدىگى رەسمي تۇردە اشىلدى. رەكتور ارىن ورساريەۆتىڭ ايتۋىنشا, ۋنيۆەرسيتەتتە اشىلعان Enactus Kazakhstan وڭىرلىك وكىلدىگى ستۋدەنتتەردىڭ ىسكەرلىك, الەۋمەتتىك ۇستانىمدارىنىڭ انىقتالۋىنا جانە بيزنەس الاڭىنا ناق قادام جاساۋىنا ىقپال ەتپەك.
ياعني, بۇل تانىمال حالىقارالىق ۇيىم جەرگىلىكتى ستۋدەنتتەردىڭ دە وي-ارماندارىنىڭ ورىندالۋىنا سەبەپشى بولماق.ولاردىڭ كاسىپكەرلىك مادەنيەتىن قالىپتاستىرىپ, بيزنەسپەن اينالىسۋىنا مۇمكىندىك بەرىپ, جاس كاسىپكەرلەر اراسىندا ءتۇرلى بايقاۋلار, ترەنينگتەر وتكىزەدى. فورۋم جۇمىسىنا Enactus Kazakhstan پرەزيدەنتى البينا ەرجانوۆا, وبلىستاعى «دامۋ» كاسىپكەرلىكتى دامىتۋ قورى» اق جەرگىلىكتى فيليالىنىڭ ديرەكتورى ەرقانات ابەنوۆ قاتىستى. كوپشىلىك نازارىنا «پەچا-كۋچا» فورماتىنداعى «مەنىڭ كاسىپكەرلىكتەگى جولىم» اتتى ستۋدەنتتىك بيزنەس-جوبالاردىڭ كورمەسى ۇسىنىلعان بولاتىن. بۇل جولى ۋنيۆەرسيتەتكە جولى تۇسكەن قور باسقارما توراعاسىنىڭ ورىنباسارى داۋلەت ابىلقايىروۆ تا ماشينا جاساۋ جانە مەتاللۋرگيا, اگروونەركاسىپ جانە ەنەرگەتيكا فاكۋلتەتتەرىندە ءبىلىم الىپ جۇرگەن ستۋدەنتتەردىڭ ۇزدىك جوبالارىمەن تانىستى. جالپى, بۇعان دەيىن ۋنيۆەرسيتەت «دامۋ» كاسىپكەرلىكتى دامىتۋ قورى» اق-پەن ىنتىماقتاستىق تۋرالى مەموراندۋمدارعا قول قويعان بولاتىن-دى. ەندى وسى كەلىسىمدەر اياسىندا «كاسىپكەرلىكتى اشۋدى قولداۋ باعدارلاماسى» جانە «ستۋدەنت-جاستاردىڭ كاسىپكەرلىك باستامالارىن قولداۋ باعىتتارى» بويىنشا ءىس-شارالار جۇزەگە اسادى. ستۋدەنتتەر اۋديتوريادا ءجۇرىپ-اق, ماماندار جۇرگىزەتىن سەمينارلارعا قاتىسىپ, ءتاجىريبەلى بيزنەس-ترەنەرلەردىڭ جەتەكشىلىگىمەن وزدەرىنىڭ قابىلەت-قارىمىن شىڭدايدى. كاسىپكەرلىك سالانىڭ قىر-سىرىن ۇيرەنەدى. جوبانىڭ تۇلەكتەرىنە بيزنەستى قۇرۋ جانە دامىتۋ, بيزنەس جوسپارلار دايىنداۋ, كاسىپكەرلىك سۋبەكتىسى رەتىندە تىركەلۋ, «دامۋ» قورىنىڭ قولداۋىنا يە بولۋ ءۇشىن قۇجاتتار دايىنداۋ جانە ءوتىنىم بەرۋ جونىندە كەڭەس بەرىلەدى. ولار سايت اشۋدى, جارنامالىق ماتىندەر جازۋدى, باننەرلەر جاساۋدى, ءوتىم ساۋداعا ساراپتاما جاساۋ, ماركەتينگتىك اكتسيالار ۇيىمداستىرۋ, عالامتور ارقىلى ءوز قىزمەتتەرىنىڭ اقىسى مەن تاۋارلاردى الۋدى ۇيرەنەدى. ۋنيۆەرسيتەت رەكتورى ارىن ورساريەۆتىڭ ايتۋىنشا, «دامۋ» قورى ستۋدەنتتەرگە ۋنيۆەرسيتەتتە ءبىلىم الا ءجۇرىپ, كاسىپكەرلىكتىڭ نەگىزىن ۇيرەنۋگە جاقسى مۇمكىندىكتەر ۇسىنۋدا. بۇل ولاردىڭ الداعى ومىرلەرىندە كاسىپكەرلىك سالاسىنا ارالاسۋعا جانە بيزنەس-جوبالارىن ىسكە اسىرۋلارىنا ۇلكەن قولداۋ بولادى.
فاريدا بىقاي,
«ەگەمەن قازاقستان».
پاۆلودار.