قاراعاندى. 31 ناۋرىز. قاراعاندى وبلىسىندا جولاۋشىلار پويىزى 27 جاستاعى ەر ادامدى قاعىپ كەتتى. بۇل تۋرالى ىشكى ىستەر مينيسترلىگى كولىكتەگى ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قايعىلى وقيعا وساكاروۆكا كەنتىنە كىرە بەرىستە بولعان. ەر ادام بەلگىلەنبەگەن جەردەن ءوتىپ بارا جاتقانىندا «استانا-الماتى» باعىتى بويىنشا قاتىنايتىن جولاۋشىلار پويىزىنىڭ استىنا تۇسكەن.
قازىرگى ۋاقىتتا ادام ولىمىنە اكەلگەن وقيعاعا بايلانىستى قۇقىق قورعاۋ ورگاندارى قىلمىستىق كودەكستىڭ 344-بابىنا سايكەس تەرگەۋ امالدارىن جۇرگىزۋدە.
ايتا كەتەيىك, جىل باسىنان بەرى تەمىر جولدىڭ تىيىم سالىنعان جەرىنەن وتكەن 7865 ادام اكىمشىلىك جاۋاپكەرشىلىككە تارتىلعان. ال سوڭعى 3 اي ىشىندە 33 وقىس وقيعا تىركەلگەن. ونىڭ جارتىسىنا جۋىعى ادام ولىمىنە اكەلىپ سوققان.
قايرات ءابىلدينوۆ.
دەرەك: ىشكى ىستەر مينيسترلىگى كولىكتەگى ىشكى ىستەر دەپارتامەنتىنىڭ ءباسپاسوز قىزمەتى.
فوتو: rg.ru.