مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ بايلانىس جانە اقپارات ءمينيسترى اسقار جۇماعاليەۆتى قابىلدادى.
ا.جۇماعاليەۆ مەملەكەت باسشىسىنا مينيسترلىكتىڭ 2010 جىلعى قىزمەتىنىڭ نەگىزگى قورىتىندىلارى تۋرالى, سونىڭ ىشىندە 3G ءۇشىنشى بۋىن ۇيالى بايلانىستىڭ ستاندارتىن ەنگىزۋ ءجونىندە, اۋىلدا كەڭ جولاقتى ينتەرنەتتى دامىتۋ بويىنشا جوبانى ىسكە اسىرۋعا دايىندىق جۇمىستارىن جۇرگىزۋ تۋرالى, ساندىق تەلەحابارلاردى ىسكە قوسۋ جانە ەلەكتروندى ۇكىمەت پورتالى ارقىلى 1 ملن. 600 مىڭنان استام ەلەكتروندىق انىقتاما بەرىلگەنى, سونداي-اق 2011 جىلعا جوسپارلانعان مىندەتتەر تۋرالى باياندادى.
كەزدەسۋدىڭ قورىتىندىسى بويىنشا مەملەكەت باسشىسى قازاقستاننىڭ اقپاراتتىق-كوممۋنيكاتسيالىق سالاسىن حالىق پەن بيزنەس وكىلدەرى ءۇشىن مەملەكەتتىك قىزمەت كورسەتۋ سپەكترىن كەڭەيتۋ, ساندىق تەلەحابارلاردى دامىتۋ, ەلدى مەكەندەردە كەڭ جولاقتى ينتەرنەت جەلىسىنە قولجەتىمدىلىكتى جانە اقپاراتتىق كەڭىستىكتىڭ ءباسەكەگە قابىلەتتىلىگىن ارتتىرۋ ءبولىگىندە دامىتۋ جونىندە بىرقاتار تاپسىرمالار بەردى.
* * *
مەملەكەت باسشىسى نۇرسۇلتان نازارباەۆ ۇلتتىق بانكتىڭ توراعاسى گريگوري مارچەنكونى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.گ.مارچەنكو پرەزيدەنتكە 2010 قارجى جىلىنىڭ الدىن الا قورىتىندىلارى تۋرالى باياندادى.
– تۇتاستاي العاندا, ماكروەكونوميكالىق جاعداي تۇراقتى. ءوتكەن جىلى ينفلياتسيا بولجامدى ءدالىز اياسىندا 7,8 پايىزدى قۇرادى. مەملەكەت باسشىسى ۇكىمەتپەن جانە قارجى نارىعى مەن قارجى ۇيىمدارىن رەتتەۋ جانە قاداعالاۋ اگەنتتىگىمەن بىرلەسىپ, بانكتەردىڭ ەكونوميكانىڭ ناقتى سەكتورىن كرەديتتەۋىن ىنتىلاندىرۋ ادىستەمەسىن ازىرلەۋدى تاپسىردى, – دەدى بريفينگتە ۇلتتىق بانكتىڭ توراعاسى.