بولاشاق باستاۋى

بۇگىنگى تاڭدا قازاقستان حالقى­نىڭ الدىنا قويعان باستى ماقساتى الەمدەگى دامىعان وتىز ەلدىڭ قاتا­­­­رى­نا قوسىلۋ بولىپ وتىر. بۇل تۋ­رالى ەلباسى نۇرسۇلتان نازار­­­باەۆ بۇرىننان ايتىپ كەلە­دى, ال, «ۇلت جوسپارى – قازاق­ستان­دىق ارمانعا باستايتىن جول» ما­قا­لاسىندا دا كەڭىنەن توقتالىپ ءوتتى. مەملەكەت باسشىسىنىڭ اي­قىن­داپ بەرگەن ءاربىر ناقتى تاپ­سىر­ماسى بارلىق سالانى قام­تي­دى. ماسەلەن, ەكونوميكا, ءبىلىم, دەنساۋلىق, مادەنيەت, قوعام, سونى­مەن قاتار, ساياسي قارىم-قاتى­ناس, مەملەكەتتىك باسقارۋ سا­لا­لارىنا قاتىستى ناقتى قادام ماقساتىن مەتاللۋرگتەر پرەزي­دەنت­تىڭ تىكەلەي تاپسىرماسى دەپ بىلەدى. الەۋمەتتىك سالانى دامىتۋ ءۇشىن وزىق ۇلگىلەردى ۇسىندى. وسىنىڭ بارلىعى كەلەشەك ۇرپاق ءۇشىن جاسالىپ جاتقانى تۇسىنىكتى. جاستار – ءوندىرىسىمىزدىڭ جار­قىن بولاشاعى, وتانىمىز­دىڭ تىرەگى. ءبىز ءاردايىم بولاشا­عى­مىز­دىڭ جارقىن بولاشاعى جاس­تار­دىڭ قولىندا دەپ ەسەپتەيمىز. سوندىقتان دا, وندىرىستە جاستارى­مىز­دىڭ ءبىلىمدى, بىلىكتى مامان, ءوز ءىسىن جەتىك مەڭگەرگەن مىقتى مەتال­لۋرگ بولىپ قالىپتاسۋىنا ءبىز سياق­تى اعا بۋىن وكىلدەرى كوپ جىل­عى ءىس-تاجىريبەمىزبەن ءبولىسىپ, ومىردەن ۇيرەنىپ, تۇيگەندەرىمىزدى ۇيرەتىپ وتىرامىز. ءبىز, مەتاللۋرگتەر, ەلىمىزدىڭ ەكونوميكاسىنىڭ دامۋىنا, دامىعان ەلدەردىڭ قا­تا­رى­نان كورىنۋىنە ءاردايىم ەسەلى ەڭ­بەك­تەرىمىزبەن ۇلەس قوسىپ كەلەمىز. ەلباسى ن.نازارباەۆتىڭ «قا­زاق­­ستان جاڭا جاھاندىق ناق­تى احۋالدا: ءوسىم, رەفورمالار, دامۋ» اتتى بيىلعى جولداۋىندا  ەڭبەك ادامىنا ەرەكشە كوڭىل ءبولى­نىپ, ونىڭ قوعامداعى ءرولىن جەتە باعالاعانى بەلگىلى. الداعى جىل­دان باستاپ ەلىمىزدە مەكتەپ تۇلەكتەرى ءۇشىن كاسىپتىك-تەح­ني­كالىق ءبىلىم بەرۋ ءىسى تەگىن ج­ۇ­زە­گە اسپاقشى. مۇنىڭ ءوزى جۇ­مىس­شى ماماندىعىنىڭ بەدە­لىن بۇرىنعىدان دا كوتەرۋگە جانە كادر­لاردىڭ ساپالى دايارلانۋى­نا مۇمكىندىك بەرمەكشى. بۇل ءبىز ەڭ­بەك ەتەتىن مەتاللۋرگيا سالا­سى­نا دا قاتىستى. ءبىزدىڭ ۇجىم­دا بۇرىننان قالىپتاسقان جاق­سى داستۇرلەر بار. ماسەلەن, تالىمگەرلىك قوزعالىسى, جاس جۇمىسشىلار اراسىندا وتكى­زىلەتىن كاسىبي شەبەرلىك كونكۋرس­تارى, عىلىمي-تەحنيكالىق كونفەرەنتسيالار, سونداي-اق, ۇزبەي ۇيىم­داستىرىلاتىن سپورتتىق شارا­لار, وسىنىڭ بارلىعى ەڭبەك ونىمدىلىگىنە, ءوندىرىستىڭ قالىپتى جۇرۋىنە ءوزىنىڭ وڭ ىقپالىن تيگى­زەرى انىق. «مەن جاستارىمىز­دى جۇمىسشى ماماندىعىن بەل­سەن­دى مەڭگەرۋگە شاقىرامىن. جۇ­مىسشى ماماندىقتارىن مەڭگەرۋ كەرەك. كەزىندە مەن دە جۇمىسشى كيىمىن كيۋدەن باستادىم, دومنا پەشى وت-جالىنىنىڭ جانىندا تۇر­دىم. جىلدار وتەدى, بىراق وسى ومىرلىك تاجىريبەلەرىڭ, سەندەر قانداي ءومىر جولىن تاڭداپ ال­ساڭدار دا, مىندەتتى تۇردە كادە­لەرىڭە جا­­راي­دى», دەلىنگەن جول­داۋدا. ارينە, جوعارى ءبىلىم الۋ دا كەرەك. الايدا, ەڭبەككە تىكە­لەي ارالاساتىن كاسىپتىك ما­مان­دىق يەلەرى مولايماي, ءبىز­دىڭ قىرۋار ينۆەستيتسيا تارتىپ ىسكە قوسىپ جاتقان زاۋىت-فابريكالارىمىزدىڭ جۇمىسى تابىستى بولمايدى.  وسى باعىت مەم­لەكەت باسشىسىنىڭ «ۇلت جوس­­پارى – قازاقستاندىق ارمانعا باستايتىن جول» ماقالاسىندا ايقىندالا تۇسكەن. مەن مۇنى ەلدى الەمدىك داعدارىستان كىناراتسىز شىعارۋدىڭ اسا ماڭىزدى شارا­لارىنىڭ ءبىرى دەپ ويلايمىن. پرەزيدەنتتىڭ كۇللى قوعامىمىزعا باعىت-باعدار بەرىپ وتىرعان ماقا­لاسىندا «2017 جىلى «بارشا ءۇشىن تەگىن كاسىپتىك-تەحنيكالىق ءبىلىم» جاڭا جوباسىن جۇزەگە اسىرۋ باستالادى» دەپ كورسەتىلگەن. بۇرىندارى جاستار, ونىڭ ىشىندە اۋىل بالالارى ەڭبەك جولىن كاسىپتىك-تەحنيكالىق ءبىلىم الۋدان باستايتىن ءۇردىس بار ەدى. ەلى­مىز­دە جۇرگىزىلگەلى وتىرعان بارشا ءۇشىن تەگىن كاسىپتىك-تەحنيكالىق ءبىلىم بەرۋ جوباسى وسى جاقسى ءداستۇردى قايتا ورالتۋعا ءتيىس. جالپى, ەلباسىنىڭ اتاپ كورسەتىپ جۇرگەنىندەي, ءار جاس ءۇشىن جۇمىس­شى ماماندىعى ەڭ سەنىمدى جول – ءومىر باستاۋى. مۇنى ەستەن شى­عارۋعا بولمايدى. سالامات دىلماعامبەتوۆ,  «قازحروم» تۇك» اق فيليالى – اقتوبە فەرروقورىتپا زاۋىتىنىڭ بالقىتۋشىسى.  اقتوبە وبلىسى.