استانا. 14 ناۋرىز. قازاقستاندىق تەننيسشى اندرەي گولۋبەۆ شۆەتسيانىڭ يەنچەپينگ قالاسىندا وتكەن Challenger ءتۋرنيرىنىڭ جەڭىمپازى اتاندى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
شەشۋشى سىندا ATP رەيتينگىندە 208-ورىندا كەلە جاتقان گولۋبەۆ الەمنىڭ 146-راكەتكاسى, رەسەيلىك كارەن حاچانوۆپەن كەزدەستى. 2 ساعات 44 مينۋتقا جالعاسقان تارتىستى باسەكەدە قازاقستاندىق تەننيسشى 6:7, 7:6, 7:6 ەسەبىمەن جەڭىسكە جەتتى.
بۇل جەڭىس وتانداسىمىز ءۇشىن مانسابىنداعى بەسىنشى جانە وسى ماۋسىمداعى العاشقى Challenger جۇلدەسى. بۇعان قوسا, گولۋبەۆ 6150 دوللار سىياقى مەن 90 رەيتينگتىك ۇپايعا يە بولدى.
ەلامان قوڭىر.
دەرەك, سۋرەت: 24.kz.