استانا. 15 ناۋرىز. بوليۆيادا وتكەن جىلدىڭ قاراشا ايىنان بۇگىنگە دەيىن «ەل-نينو» قۇبىلىسىنان 19 ادام قازا تاپتى. سونداي-اق, 60 مىڭ وتباسى زارداپ شەكتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«بۇگىنگە دەيىن قازا تاپقاندار سانى 19 ادامعا جەتتى, 60 مىڭعا جۋىق وتباسى زارداپ شەكتى. سونداي-اق, 30 مىڭ گەكتار جەرگە ەگىلگەن ەگىستىككە زاقىم كەلدى. ال 15 مىڭ باس مال قىرىلىپ قالدى», – دەيدى بوليۆيانىڭ قورعانىس ءمينيسترى رەيمي فەررەيرا.
ونىڭ ايتۋىنشا, تابيعات اپاتىنا بايلانىستى ەلدىڭ 7 دەپارتامەنتىنە قاۋىپتىلىكتىڭ جوعارى دەڭگەيى جاريالاندى. «ەل-نينو» اسىرەسە, لا-پاس, كوچابامبا, چۋكيساكا, بەني جانە سانتا-كرۋس دەپارتامەنتتەرىنە ايتارلىقتاي شىعىن اكەلدى. تولاسسىز جاۋعان جاۋىننىڭ سوڭى سۋ تاسقىنىنا ۇلاسقان. سالدارىنان سوڭعى بىرنەشە كۇن ىشىندە 3 ادام مەرت بولدى. سونداي-اق, كوچابامبادا بىرقاتار ەلدى مەكەن جارىقسىز قالدى. ال ەلدىڭ وڭتۇستىگىندە جاعداي كەرىسىنشە, قۇرعاقشىلىق جايلاعان.
ايتا كەتەيىك, اتالعان قۇبىلىس ءتۇرى تىنىق مۇحيتىنىڭ ەكۆاتورلىق بولىگىندە تەمپەراتۋرانىڭ اۋىتقۋ قۇبىلىسى. «ەل-نينونىڭ» سالدارىنان كەيبىر ايماقتاردا تولاسسىز جاۋىن جاۋسا, كەي جەرلەردە قۇرعاقشىلىق بولادى.
ايان ءابدۋالي.
دەرەك: تاسس.
سۋرەت: veja.abril.com.br.