كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ جۇمىس ساپارىمەن الماتى وبلىسىندا بولىپ, «قورعاس» شەكارالىق ىنتىماقتاستىقتىڭ حالىقارالىق ورتالىعىنىڭ, «قورعاس» جانە «التىنكول» وتكىزۋ پۋنكتتەرىنىڭ, «قورعاس-شىعىس قاقپاسى» اەا قۇرعاق پورتىنىڭ جۇمىستارىمەن تانىستى, دەپ حابارلادى پرەمەر-ءمينيستردىڭ ءباسپاسوز قىزمەتى.
قازاقستان-قىتاي شەكاراسىندا ورنالاسقان وتكىزۋ پۋنكتىندە بولعان كەزدە ءبىرىنشى ۆيتسە-پرەمەر كەدەندىك پروتسەدۋرالاردى جانە تاۋارلار مەن كولىك قۇرالدارىنا مەملەكەتتىك باقىلاۋ جاساۋدىڭ وزگە دە تۇرلەرىن ۇيىمداستىرۋ ۇدەرىسىمەن تانىستى.
باقىتجان ساعىنتاەۆ قازىرگى بار ينفراقۇرىلىم بۇگىنگى زامان تالاپتارىنا جاۋاپ بەرمەيتىندىكتەن, ەۋرازيالىق ەكونوميكالىق وداقتىڭ سىرتقى شەكارالارىنداعى اۆتوموبيل پۋنكتتەرىن باقىلاۋدى جاڭعىرتۋ جانە تەحنيكالىق قۇرالدارمەن جاراقتاندىرۋ قاجەتتىگىن اتاپ كورسەتتى.
ونىڭ سىرتىندا كولىك الەۋەتىن ارتتىرۋ جانە تاسىمالداۋشىلار ءۇشىن قولايلى جاعدايلار تۋعىزۋ ماقساتىندا شەكارادا باقىلاۋدان ءوتۋ ۋاقىتىن قىسقارتۋ بويىنشا ىقپالدى شارالار قابىلداۋ قاجەت.
ساپار قورىتىندىسى بويىنشا پرەمەر-ءمينيستردىڭ ءبىرىنشى ورىنباسارى مەملەكەتتىك ورگاندارعا ءتيىستى تاپسىرمالار بەردى.