استانا. 14 ناۋرىز. تۇركيانىڭ استاناسى انكارا قالاسىنداعى جارىلىستان قازا تاپقاندار سانى 37 ادامعا جەتتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
لاڭكەستىك وقيعادان 125 ادام ءتۇرلى دەڭگەيدە دەنە جاراقاتىن الىپ, اۋرۋحانالارعا جەتكىزىلدى. دارىگەرلەردىڭ ايتۋىنشا, 15 ادامنىڭ جاعدايى تىم اۋىر. ولار قازىرگى كەزدە جانساقتاۋ بولىمىندە جاتىر.
«وكىنىشكە وراي, بۇگىن تاعى ءۇش وتانداسىمىزدان ايرىلدىق. اق حالاتتىلار قولدارىنان كەلگەنىنىڭ ءبارىن جاسادى. بىراق امان الىپ قالا المادى», – دەيدى تۇركيانىڭ دەنساۋلىق ساقتاۋ ءمينيسترى مەحمەت ميۋەززينوعلى.
ايتا كەتەيىك, جارىلىس وتكەن جەكسەنبى كۇنى, ياعني 13 ناۋرىزدا انكارانىڭ ورتالىعى گيۋۆەن ساياباعىنا جاقىن جەردەگى اۆتوبۋس ايالداماسىندا بولدى. وقيعا ورنىندا بىرنەشە جولاۋشىلار اۆتوبۋسى مەن جەڭىل كولىكتەر جارىلدى.
ايان ءابدۋالي.
دەرەك, سۋرەت: ريا «نوۆوستي».