الماتى. 14 ناۋرىز. الماتىداعى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا تۇڭعىش رەت «التىن ساقا» اتتى بالالار سپەكتاكلدەرىنىڭ فەستيۆالى وتەدى. بۇل تۋرالى تەاتردىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وسىلايشا, تەاتردىڭ 70 جىلدىق مەرەيتويى قارساڭىندا, العاش رەت «التىن ساقا» اتتى بالالار سپەكتاكلدەرىنىڭ فەستيۆالى ۇيىمداستىرىلعالى وتىر.
فەستيۆالدا ءبايدىلدا قالتاەۆ اتىنداعى «ەڭ ۇزدىك ەر ادام بەينەسى ءۇشىن», اققاعاز مامبەتوۆا اتىنداعى «ەڭ ۇزدىك ايەل بەينەسى ءۇشىن», قاسىم جاكىباەۆ اتىنداعى «ەڭ ۇزدىك قوسالقى رولدەگى ەر ادام بەينەسى ءۇشىن», ءامينا ومىرزاقوۆا اتىنداعى «ەڭ ۇزدىك قوسالقى رولدەگى ايەل بەينەسى ءۇشىن», «ەڭ ۇزدىك ەپيزودتىق ءرول», «ەپيزودتىق رولدەگى اكتەرلىك شەبەرلىگى ءۇشىن», «كورەرمەندەر كوزايىمى», «ەڭ ۇزدىك دەبيۋت» نوميناتسيالارى بويىنشا ماراپاتتاۋ ءراسىمى وتكىزىلەدى.
وسى باستاماعا وراي, 24 ناۋرىز كۇنى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى ءسابيت ابدىقالىقوۆ, تەاتردىڭ كوركەمدىك جەتەكشىسى, ەڭبەك سىڭىرگەن ءارتيسى مۇرات احمانوۆ, قازاقستاننىڭ حالىق ءارتيسى روزا اشىربەكوۆا جانە ادەبيەت ءبولىمى مەڭگەرۋشىسى باقىت بەدەلحان ءباسپاسوز ءماسليحاتىن وتكىزىپ, باق وكىلدەرىنە سۇحبات بەرەدى.
ايناش ەسالي.
دەرەك, سۋرەت: عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ءباسپاسوز قىزمەتى.