قاراعاندى. 14 ناۋرىز. قاراعاندىدا وبلىستىق ىشكى ىستەر دەپارتامەنتى اكىمشىلىك پوليتسيا باسقارماسى باسشىسىنىڭ بۇرىنعى ورىنباسارى ەرعابىل جۇكەنوۆ شارتتى تۇردە بەس جىلعا باس بوستاندىعىنان ايىرىلدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
پوليتسيا پودپولكوۆنيگى الاياقتىق جاسادى جانە پارا بەرۋگە ارانداتتى دەگەن كۇدىكپەن ايىپتالعان بولاتىن.
قاراعاندى وبلىسىنداعى جول پوليتسياسى قىزمەتىن باسقارعان ەكس-پودپولكوۆنيك ءوز قاراماعىنداعى 11 ينسپەكتوردى پارا الىپ جاتقان جەرىندە تۇسىرىلگەن بەينە كورىنىستەر نەگىزىندە ارانداتىپ, ولاردىڭ ارقايسىنان 5 مىڭ اقش دوللارى كولەمىندە اقشا العان.
سوتتا ايىپتالۋشى ءوزىنىڭ قىلمىسىن موينىنا المادى. الايدا, قاراعاندىنىڭ قىلمىستىق ىستەر بويىنشا اۋدانارالىق مامانداندىرىلعان سوتى ەكس-پوليتسەيدى كىنالى دەپ تاۋىپ, بەس جىلعا باس بوستاندىعىنان ايىردى. سونداي-اق, سوت ونىڭ مۇلكىن تاركىلەۋگە جانە ءومىر بويى مەملەكەتتىك لاۋازىم اتقارۋ قۇقىنان ايىرۋعا ۇكىم شىعاردى.
قايرات ءابىلدينوۆ.
دەرەك: قاراعاندى وبلىستىق سوتتىڭ ءباسپاسوز قىزمەتى.
سۋرەت: pokeroff.ru.