استانا. 14 ناۋرىز. كوت-د’يۆۋاردىڭ گران-باسام قالاسىنداعى ساياحاتشىلارعا ارنالعان دەمالىس ورنىندا لاڭكەستەر شابۋىل جاساپ, 16 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
العاشىندا قازا تاپقاندار سانى 12 ادام بولعانى تۋرالى اقپارات تاراعانىمەن, ولاردىڭ سانى 16 ادامعا جەتكەنى بەلگىلى بولدى. Daily Star باسىلىمىنىڭ حابارلاۋىنشا, وقيعا جەكسەنبى كۇنى, ياعني 13 ناۋرىزدا ورىن الدى. Etoile du Sud قوناقۇيىنە جالپى سانى 5 سودىر شابۋىل جاسادى.
الدىن الا بولجام بويىنشا, لاڭكەستەر قوناقۇيدە بىرنەشە ادامدى تۇتقىندا ۇستاعان. قازا تاپقانداردىڭ اراسىندا ەۋروپادان كەلگەن 4 ادام بار. Reuters اگەنتتىگىنىڭ اقپارىنشا, لاڭكەستىك ارەكەتتى «ال كايدا» ۇيىمى ءوز موينىنا الدى.
ايان ءابدۋالي.
دەرەك, سۋرەت: ريا «نوۆوستي».