استانا. 13 ناۋرىز. بۇگىن باسكەتبولدان ۆتب بىرىڭعاي ليگاسى شەڭبەرىندە «استانا» چەحيانىڭ «نيمبۋرك» كومانداسىن قابىلداپ, 63:98 ەسەبىمەن ويسىراي جەڭىلدى. وسىمەن ەلوردالىقتار قاتارىنان جەتىنشى رەت قارسىلاستارىنا ەسە جىبەرىپ وتىر. بۇل تۋرالى egemen.kz ءتىلشىسى حابارلادى.
استانا قالاسىنداعى «سارىارقا» ۆەلوترەگىندە وتكەن كەزدەسۋدە چەحيالىقتاردىڭ باسىمدىعى انىق بايقالدى. العاشقى ءۇش كەزەڭدە باسىم تۇسكەن ولار سوڭعى ءتورتىنشى بولىكتە عانا «استانا» ويىنشىلارىنا مۇمكىندىك بەردى. ناتيجەسىندە الاڭ يەلەرى اتالعان كەزەڭدە ەكى ۇپاي باسىمدىعىمەن جەڭدى. الايدا, بۇل كورسەتكىش جالپى ەسەپتەگى جاعدايعا ەشقانداي وزگەرىس اكەلە المادى.
وسىمەن قاتارىنان جەتى رەت جەڭىلگەن «استانا» بۇگىندە تۋرنير كەستەسىندە 15-ورىندا تۇر. رامۋناس بۋتاۋتاستىڭ شاكىرتتەرى كەلەسى كەزدەسۋىن 16 ناۋرىزدا ءوز الاڭىندا سانكت-پەتەربۋرگتىڭ «زەنيتىمەن» وتكىزەدى.
ەلامان قوڭىر.
دەرەك: egemen.kz.
سۋرەت: bcastana.kz.