پارلامەنت سەناتى توراعاسىنىڭ ورىنباسارى اسقار بەيسەنباەۆ جاپونيا ەلشىسى ماساەسي كاموحارامەن ونىڭ ءبىزدىڭ ەلىمىزدەگى ديپلوماتيالىق قىزمەتىنىڭ اياقتالۋىنا بايلانىستى كەزدەستى, دەپ حابارلادى سەناتتىڭ ءباسپاسوز قىزمەتى.
توراعانىڭ ورىنباسارى قازاقستان مەن جاپونيا اراسىنداعى ءتۇرلى سالاداعى ىنتىماقتاستىقتى نىعايتۋعا باعىتتالعان بەلسەندى جانە ناتيجەلى قىزمەتى ءۇشىن ديپلوماتقا العىس ايتتى.
ا.بەيسەنباەۆ «نۇرلى جول» باعدارلاماسى مەن بەس ينستيتۋتتىق رەفورمانى ىسكە اسىرۋ جونىندەگى «100 ناقتى قادام» ۇلت جوسپارىن ورىنداۋدىڭ نەگىزگى ماسەلەلەرىنە نەگىزدەلگەن سەناتتىڭ زاڭ شىعارۋ جۇمىسىمەن تانىستىردى.
كەزدەسۋ بارىسىندا يادرولىق قارۋدى تاراتپاۋ جانە قارۋسىزدانۋ سالاسىنداعى ىنتىماقتاستىقتىڭ ماسەلەلەرى دە تالقىلاندى. «ەكسپو-2017: بولاشاقتىڭ ەنەرگياسى» حالىقارالىق كورمەسىنە قولداۋ بىلدىرگەنى ءۇشىن جاپونيا ۇكىمەتىنە ريزاشىلىق بىلدىرگەن توراعانىڭ ورىنباسارى استانادا جاپون كومپانيالارى وزدەرىنىڭ جاڭا جەتىستىكتەرىن كورسەتۋ ءۇشىن كورمەنىڭ مۇمكىندىكتەرىن بارىنشا پايدالانا الاتىنىن جەتكىزدى.