وسكەمەن. 9 ناۋرىز. شىعىس وڭىرىندە جاستار ورتالىعىنىڭ قىزمەتكەرلەرى حالىقارالىق ايەلدەر كۇنىنە وراي, وسكەمەندىك قىز-كەلىنشەكتەردى قۇتتىقتاپ, گۇلدەر مەن قۇتتىقتاۋ حاتتارىن سىيلادى. بۇل تۋرالى شىعىس قازاقستان وبلىسىنىڭ اقپاراتتىق ورتالىعىنا سىلتەمە جاساعان egemen.kz ءتىلشىسى حابارلادى.
كەز-كەلگەن ساۋدا ورتالىعىندا, كوشەدە, ايالدامادا جولىققان قىز-كەلىنشەكتەر قاۋىمىن قۋانىشقا بولەۋ ارقىلى بەلسەندىلەر 1 مىڭنان استام ايەلدى قۇتتىقتادى. وبلىس ورتالىعىن وتاندىق كومپانيانىڭ گۇل مەن قۇتتىقتاۋ حاتتارىنا تولى مەرەكەلىك كورتەجى ارالاپ, جاستار كەزدەسكەن جانعا جىلى لەبىزدەرىن توگىپ, سىي-سىياپاتتارىن تارتۋ ەتتى.
«قالامىزداعى ايەلدەردىڭ كوڭىلىنە جىلۋ مەن قۋانىش سىيلاۋ وتە ماڭىزدى. ولار بىزگە قامقورلىقپەن قاراپ, بالالارىمىزعا ءومىر سىيلايدى, ورتامىزدى ماحابباتپەن تولتىرادى. سوندىقتان, ايەلدەرگە دەنساۋلىق, ادەمىلىك پەن سۇلۋلىق, كۇش-قۋات تىلەيمىز», – دەدى وسكەمەن قالاسى جاستار ورتالىعىنىڭ ديرەكتورى سىرىم قايساربەكوۆ.
كوشەدە قۇشاعى گۇلگە تولعان ورتالىق بەلسەندىلەرىن كورگەندە قىزداردىڭ جۇزىنە كۇلكى ءۇيىرىلىپ, كوڭىلدەنىپ سالا بەرەدى.
«بۇل كۇتپەگەن سىي بولعاندىقتان, ارينە, ۇنايدى. مىسالى, ءبىز ساۋدا ۇيىنەن شىعىپ كەلە جاتساق, الدىمىزدان جالىندى جاستار ادەمى گۇلدەرمەن قارسى الىپ, قۇتتىقتايدى. كوپ راحمەت!, – دەدى قالا تۇرعىنى اننا لەجكو.
دۋمان اناش.
دەرەك, سۋرەت: شىعىس قازاقستان وبلىسىنىڭ اقپاراتتىق ورتالىعى.