ۇكىمەت باسشىسىنىڭ تاپسىرماسىنان كەيىن باتىس قازاقستان وبلىسىندا الەۋمەتتىك ماڭىزى بار تاۋارلاردىڭ باعاسىن رەتتەۋ شارالارى قارقىن الدى. وڭىرلىك كوميسسيا ورالداعى «التىن الما» بازارىندا رەيد جۇرگىزىپ, نەگىزسىز كوتەرىلگەن باعا بەلگىلەرىن بىردەن الدىرتىپ تاستادى, دەپ حابارلايدى Egemen.kz.
كوميسسيا مۇشەلەرى ەت جانە كوكونىس پاۆيلوندارىن ارالاپ, ساۋداگەرلەرمەن تىكەلەي ديالوگ ورناتتى. كاسىپكەرلەرگە ساۋدا ۇستەمەسىن 15 پايىزدان اسىرماۋ, باعا بەلگىلەرىن مىندەتتى تۇردە قويۋ جانە سانيتارلىق نورمالاردى ساقتاۋ تالاپتارى ءتۇسىندىرىلدى.
رەيد بارىسىندا كارتوپ ساۋداسىنداعى جەتكىزۋ تىزبەگىنەن ەكى ارتىق دەلدال انىقتالىپ, ولار بىردەن اينالىمنان شىعارىلدى. بۇل قادام باعانىڭ ايتارلىقتاي ارزانداۋىنا جول اشتى. بۇرىن كارتوپتىڭ كەلىسى ساپاسىنا قاراي 230-250 تەڭگەدەن ساتىلعان. قازىر «AQJAIYQ» اكك تۇراقتاندىرۋ قورىنان ءونىم تىكەلەي جەتكىزىلىپ, 165 تەڭگەدەن ساتىلىمعا شىقتى (جەتكىزۋ باعاسى – 145 تەڭگە).
15%-دىق مەجەدەن اسقان: ازىق-ت ۇلىك باعاسىن نەگىزسىز كوتەرگەن كاسىپكەرگە ايىپپۇل سالىندى
قازىرگى تاڭدا تۇراقتاندىرۋ قورى بازارعا تاۋلىگىنە 5 تونناعا دەيىن ءونىم جونەلتىپ جاتىو. ارزان ءارى ساپالى كوكونىسكە سۇرانىس جوعارى. مۇنداي جەتكىزىلىمدەر مامىر ايىنىڭ ءبىرىنشى ونكۇندىگىنە دەيىن جالعاسپاق.
جىل باسىنان بەرى بقو-دا وڭىرلىك كوميسسيانىڭ 11 وتىرىسى ءوتتى. تەكسەرۋلەر ناتيجەسىندە:
1. ساۋدا ۇستەمەسىن زاڭسىز ءوسىرۋدىڭ 47 فاكتىسى انىقتالدى.
2. بارلىق زاڭ بۇزۋشى كاسىپكەرلەرگە اكىمشىلىك جازا قولدانىلدى.
كوميسسيانىڭ بۇل جۇمىس فورماتى باعانى جەدەل رەتتەۋگە مۇمكىندىك بەرىپ وتىر. كوشپەلى تەكسەرۋلەر الداعى ۋاقىتتا دا تۇراقتى تۇردە جالعاسادى.