استانادا جازعى تۋريستىك ماۋسىم قارساڭىندا ەكسكۋرسيالىق تەپلوحودتاردى دايىنداۋ جۇمىستارى قىزۋ ءجۇرىپ جاتىر. بۇگىن ەسىل وزەنىنىڭ جاعالاۋىندا كەمەلەر سۋ بەتىنە ءتۇسىرىلدى, دەپ حابارلايدى Egemen.kz.
«Astana Tourism» ءتۋريزمدى دامىتۋ ورتالىعى دەپارتامەنتىنىڭ ديرەكتورى سايات ورازتايدىڭ ايتۋىنشا, ەسىل بويىمەن سۋ سەرۋەنىن جاساۋ – ەلورداداعى ەڭ تانىمال دەمالىس تۇرلەرىنىڭ ءبىرى. بيىلعى ماۋسىمدا جولاۋشىلار ءۇشىن جاعىمدى جاڭالىقتار از ەمەس.
استانادا Smart City جوباسى ىسكە قوسىلدى
«ەسىل استانا» كەمە قاتىناسى كومپانياسىنىڭ وكىلى كارينا دانيلكو ماۋسىم الدىندا بارلىق تەحنيكالىق تەكسەرىستىڭ اياقتالعانىن مالىمدەدى.
«بارلىق تەپلوحود سىرلانىپ, تولىق قىزمەت كورسەتىلدى. جولاۋشىلار قاۋىپسىزدىگىنە ەرەكشە كوڭىل ءبولىندى: جاڭا قۇتقارۋ جيلەتتەرى ساتىپ الىنىپ, جابدىقتار قايتا تەكسەرىلدى», دەدى ول.
بيىل سۋ ايدىنىنا ءتۇرلى سىيىمدىلىقتاعى تەپلوحودتار شىعادى:
45 ورىندىق «استانا KSW-082»; 65 ورىندىق «ەسىل KSW-092» جانە «ر-118»; 30 ورىندىق «كس-192», «كس-201» جانە «پر-151».استانادا 1 مامىردا اۋقىمدى سپورت فەستيۆالى وتەدى
سونىمەن قاتار كومپانيا كەمە پاركىن زاماناۋي ۇلگىدە جاڭارتۋ ماقساتىندا 12 ادامعا دەيىن ارنالعان جىلدام جۇرەتىن ءتورت شاعىن كەمە ساتىپ العان. بۇل جاڭا كەمەلەر شاعىن توپتار مەن وتباسىلىق سەرۋەندەر ءۇشىن ىڭعايلى بولماق.
استاناداعى كوشەلەردىڭ بىرىندە كولىك قوزعالىسى ءىشىنارا شەكتەلەدى