استانا. 25 اقپان. فرانتسيا بيلىگى بەلگىلى Google كومپانياسىنا تولەنبەگەن سالىق ءۇشىن 1,6 ميلليارد ەۋرو وتەماقى تولەۋدى مىندەتتەدى. بۇل تۋرالى bbc.com سايتىنا سىلتەمە جاساعان egemen.kz ءتىلشىسى حابارلادى.
وسىعان دەيىن كومپانيا ۇلىبريتانيا بيلىگىنە 130 ميلليون فۋنت وتەماقى تولەۋگە كەلىسكەن. ال قازىرگى كەزدە فرانتسيامەن بۇل ماسەلە جونىندە كەلىسسوزدەر ءجۇرىپ جاتىر. الداعى ۋاقىتتا كورسەتىلگەن سومانىڭ ءبىر بولىگى عانا تولەنۋى مۇمكىن دەگەن بولجام بار. فرانتسيا بيلىگى مەن كومپانيا بۇل جونىندە رەسمي اقپارات تاراتپادى.
وتكەن جىلى ەۋروپا وداعىنىڭ سالىق رەتتەۋشىلەرى ەۋروپا ايماعىنداعى ءىرى كومپانيالاردىڭ سالىقتىق كەلىسىمشارتتارىنا تەكسەرۋ جۇمىستارىن جۇرگىزگەن. قازان ايىندا امەريكالىق Starbucks كوفە جەلىسىنە جانە Fiat Chrysler اۆتوكونتسەرنىنە 30 ميلليون ەۋرودان قوسىمشا سالىق تولەۋى مىندەتتەلدى. سونداي-اق, سالىق رەتتەۋشىلەرىنىڭ نازارىنا Apple جانە Amazon كومپانيالارى دا ىلىكتى.
ايان ءابدۋالي.
دەرەك: bbc.com.
سۋرەت: kushnerov.com.