پاۆلودار. 25 اقپان. بۇل جاڭاشىلدىق ەۋرازيالىق توپ (ERG) قۇرامىنا كىرەتىن «ەۋروازياتتىق ەنەرگەتيكالىق كورپوراتسياسى» اق-تىڭ №3 ەنەرگوبلوگىندا ينۆەستيتسيالىق باعدارلاما شەڭبەرىندە جۇزەگە اسىرىلدى. زاماناۋي جابدىقتاردى ىسكە قوسۋعا كومپانيا 66,81 ميلليون تەڭگە قاراجات جۇمسادى. بۇل تۋرالى egemen.kz ءتىلشىسى حابارلادى.
اۆتوماتتى باسقارۋ جۇيەسى جوعارعى تەحنيكالىق كورسەتكىشتەرگە قول جەتكىزۋگە مۇمكىندىك بەرەدى. سەنىمدى, ءتيىمدى. ەسكى جابدىقتار 10 جىل شىداپ كەلدى. اپتاسىنا 7 كۇن, تاۋلىگىنە 24 ساعات جۇمىس ىستەدى.
«جاڭا تەحنولوگياعا الماستىرۋ وڭاي بولعان جوق, بىراق, جۇزەگە استى», – دەيدى «ەۋرازيالىق ەنەرگەتيكالىق كورپوراتسيا» اكتسيونەر قوعامىنىڭ ەلەكترلىك ستانتسياسىنىڭ جىلۋ اۆتوماتيكا مەن ولشەۋ تسەحىنىڭ باسشىسى رومان پاۋستيانوۆ.
ستانسا ماماندارى 4 بولىكتى, 7 وپەراتورلىق تەرمينال (كومپيۋتەر), ءتورت مح-تەرمينال (الىستاعان گرافيكالىق تەرمينال), 3 جەلىلىك كوممۋتاتور, جەلدىك كوممۋنيكاتسيالاردى اۋىستىردى. قۇرال-جابدىقتاردى اۋىستىرۋ جۇمىسىمەن «ينتەراۆتوماتيكا» جاۋاپكەرشىلىگى شەكتەۋلى سەرىكتەستىگىنىڭ ماماندارى بىرگە اينالىستى. ستانسا ەنەرگوبلوكتارىنىڭ قۋاتتىلىعى 300-325 مۆت قۇرايدى. بارلىعى بىرلەسىپ جاڭا اۆتوماتتى جۇيەنىڭ جۇمىسىنا, قىزمەتتەرىنە قىزىعۋشىلىق تانىتىپ قانا قويماي, ورناتۋدىڭ جوعارى دەڭگەيىن كورسەتتى. ءدال وسىنداي تەحنيكالىق شەشىم №4 ەنەرگوبلوگىندا جۇمىس جاساپ تۇر. قازىر №3 ەنەرگوبلوك جەلىگە قوسىلىپ, العاشقى كيلوۆاتت-ساعاتتاردى وندىرۋدە. ستانسا 2001 جىلدان بەرى جابدىقتاردى جاڭارتۋ جانە قايتا قۇرۋ باعدارلاماسى جۇزەگە اسىرىپ جاتىر. ەندى №5 ەنەرگيا بلوگىندا قۇنى 277 ميلليون دوللار تۇراتىن قايتا قۇرۋ جۇمىستارى جۇرگىزىلەدى.
فاريدا بىقاي.
دەرەك, سۋرەت: egemen.kz.