پاۆلودار. 25 اقپان. پاۆلودارلىق جاس ورەندەر الماتىدا وتكەن مەكتەپ وقۋشىلارى اراسىنداعى رەسپۋبليكالىق عىلىمي جوبالار سايىسىندا 25 مەدال الدى. بۇل تۋرالى وبلىستىق ءبىلىم باسقارماسىنىڭ مالىمەتىنە سىلتەمە جاساعان egemen.kz ءتىلشىسى حابارلادى.
ءبىلىم جارىسىنا ەلىمىزدىڭ ءار جەرىنەن 700-دەن استام وقۋشى قاتىستى. ال پاۆلودار وبلىسىنىڭ نامىسىن 65 وقۋشى قورعادى. ءتورت باعىت بويىنشا وتكەن سايىستا كوماندالىق 1-ورىنعا استانا, الماتى قالالارى مەن پاۆلودار جانە شىعىس قازاقستان وبلىستارى يە بولدى.
ءبىزدىڭ وقۋشىلار بۇل جولى 4 – التىن, 5 – كۇمىس جانە 16 قولا مەدالگە قول جەتكىزدى. ءبىرىنشى ورىندى وبلىس ورتالىعىنداعى دارىندى بالالارعا ارنالعان №3 گيمنازيا وقۋشىلارى داۋرەن قارامباەۆ, دانيال تاشەنوۆ, ەكىباستۇزداعى №1 مەكتەپ-ليتسەيدىڭ وقۋشىلارى كاميلا قۋانىشەۆا, دايانا سەمىكينا يەلەندى. سونداي-اق, 6 عىلىمي جوبا اۆتورلارى رەسپۋبليكالىق «دارىن» عىلىمي-پراكتيكالىق ورتالىعىنىڭ العىس حاتتارىمەن ماراپاتتالدى. «ەڭ ۇزدىك عىلىمي جوبا» اتالىمىن جانە Intel ISEF بەلگىسىن وبلىس ورتالىعىنداعى دارىندى بالالارعا ارنالعان №3 گيمنازيانىڭ وقۋشىلارى داۋرەن قارامباەۆ پەن دانيال تاشەنوۆ الدى.
فاريدا بىقاي.
دەرەك, سۋرەت: پاۆلودار وبلىستىق ءبىلىم باسقارماسى.