كەشە ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس كانديداتتاردىڭ, ساياسي پارتيالاردىڭ جانە ازاماتتاردىڭ وتىنىشتەرىن قاراۋ ءتارتىبى تۋرالى بريفينگ وتكىزدى.
ۆ.فووس اتاپ وتكەندەي, «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 49-بابىنا سايكەس سايلاۋ كوميسسياسىنىڭ جانە ونىڭ ءمۇشەلەرiنiڭ شەشىمدەرى مەن ءىس-ارەكەتتەرىنە (ارەكەتسىزدiگىنە) جاسالعان شاعىمدى, ەگەر «سايلاۋ تۋرالى» زاڭدا وزگەشە كوزدەلمەسە, جوعارى تۇرعان كوميسسيا شاعىم تۇسكەن كۇننەن باستاپ ءۇش كۇننiڭ ىشىندە قارايدى. ال ازاماتتار مەن ۇيىمداردىڭ سايلاۋ زاڭناماسىن بۇزۋشىلىقتار تۋرالى وتىنىشتەرiن, ەگەر «سايلاۋ تۋرالى» زاڭدا وزگەشە كوزدەلمەسە, سايلاۋ كوميسسيالارى شاعىم تۇسكەن كۇننەن باستاپ بەس كۇننىڭ ىشىندە قاراۋى ءتيىس.
«سوتتار مەن پروكۋراتۋرا ورگاندارى سايلاۋ كوميسسيالارى مۇشەلەرiنiڭ, ازاماتتاردىڭ, زاڭدا بەلگiلەنگەن تارتiپپەن تiركەلگەن قوعامدىق بiرلەستiكتەر وكiلدەرiنiڭ داۋىس بەرۋدi وتكىزۋ ماسەلەلەرىنە قاتىستى, ونىڭ ىشىندە سايلاۋ تۋرالى زاڭنامانىڭ بۇزىلۋى تۋرالى سايلاۋعا دايىندىق جانە ونى وتكىزۋ كەزەڭiندە كەلiپ تۇسكەن ارىزدارىن قابىلداۋعا جانە ولاردى بەس كۇن مەرزiمدە, ال داۋىس بەرۋ الدىنداعى بەس كۇنگە جەتپەيتiن ۋاقىت iشiندە جانە داۋىس بەرۋ كۇنi كەلiپ تۇسكەندەرiن دەرەۋ قاراۋعا مiندەتتi. جەرگiلiكتi مەملەكەتتiك باسقارۋ جانە ءوزiن ءوزi باسقارۋ ورگاندارىنىڭ, كاسiپورىندار مەن ۇيىمداردىڭ, ولاردىڭ لاۋازىمدى ادامدارىنىڭ سايلاۋ تۋرالى زاڭداردى بۇزاتىن شەشiمدەرi مەن iس-ارەكەتتەرiنە سوتقا شاعىم جاسالادى, – دەدى ۆ.فووس. – سوتتار, پروكۋراتۋرا ورگاندارى مەن سايلاۋ كوميسسيالارى ءوز جۇمىسىن سايلاۋ ۇدەرىسى كەزiندە, ونىڭ iشiندە دەمالىس كۇندەرi جانە سايلاۋ وتەتiن كۇنi, شاعىمداردى قابىلداۋ مەن قاراۋدى سايلاۋ تۋرالى زاڭدا بەلگiلەنگەن مەرزiمدە قامتاماسىز ەتەتىندەي ەتiپ ۇيىمداستىرادى».
وسك توراعاسىنىڭ ورىنباسارى, سونداي-اق, باق وكىلدەرىن 2016 جىلعى 20 قاڭتاردان باستاپ 22 اقپانعا دەيىنگى كەزەڭدە ورتسايلاۋكومعا جەكە جانە زاڭدى تۇلعالاردىڭ 44 ءوتىنىشى كەلىپ تۇسكەنىنەن حاباردار ەتتى. ولاردىڭ 19-ى (42 %) قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋ جونىندەگى سايلاۋ ناۋقانىمەن بايلانىستى ەكەن. ونىڭ ىشىندە 10 ءوتىنىش سايلاۋ زاڭناماسىنىڭ جەكەلەگەن نورمالارىن ءتۇسىندىرۋ ماسەلەلەرى بويىنشا, تاعى 9-ى پارلامەنت ءماجىلىسىنىڭ دەپۋتاتتىعىنا كانديداتتاردى ۇسىنۋعا جانە پارتيالىق تىزىمدەرگە ەنگىزىلگەن كانديداتتاردىڭ سايلاۋ راسىمدەرىنە قاتىستى.
«ال وسك-گە كەلىپ تۇسكەن 25 (57 %) ءوتىنىش قازاقستان رەسپۋبليكاسى ءماسليحاتتارىنىڭ دەپۋتاتتارىن سايلاۋ جونىندەگى سايلاۋ ناۋقانىنا بايلانىستى, – دەدى ۆ.فووس. – ولاردىڭ ءىشىندە 17-ءسى سايلاۋ زاڭناماسىن ءتۇسىندىرۋ ماسەلەلەرى بويىنشا, قالعاندارى راسىمدىك ساتتەرگە, سايلاۋ كوميسسيالارىنىڭ جۇمىسىنا جانە كانديداتتار تۋرالى اقپاراتقا بايلانىستى. ءوتىنىش يەلەرىنە ۋاقتىلى جاۋاپ قايتارىلدى. توعىز ءوتىنىش ءتيىستى ورگاندارعا قاراۋ ءۇشىن جىبەرىلدى».