شىمكەنت. 22 اقپان. وبلىس اكىمدىگىنىڭ باستاماسىمەن شىعىپ كەلە جاتقان «قازىنالى وڭتۇستىك» كوپتومدىعىنىڭ 311 تومى جارىق كوردى. بۇل تۋرالى egemen.kz ءتىلشىسى حابارلادى.
الماتىداعى «نۇرلى الەم» باسپاناسىنان جارىق كورىپ جاتقان, تاريحي جيناقتىڭ نەگىزگى جيناقتاۋشىسى بەلگىلى عالىم, فيلولوگيا عىلىمدارىنىڭ دوكتورى مەكەمتاس مىرزاحمەتوۆ.
«قازىنالى وڭتۇستىك» كوپتومدىعىنىڭ رەداكتسيا القاسىنىڭ توراعاسى مەكەمتاس مىرزاحمەتوۆ: «ءبىزدىڭ مىنا كىتاپتى شىعارۋداعى ماقساتىمىز, ءبىزدىڭ قابات-قابات تاريحي سانالارىمىز بولعان. 30 جىلدارى بىزگە لاتىن الىپبيىنە كوشەمىز دەگەن زاڭ شىقتى. سول كەزدە قازاقتار قورىققاندارىنان قولدارىنداعى اراپشا جازىلعان دۇنيەلەرىن جوعالتتى. سول دەرەكتەرىمىز قازىر شەت ەلدەردەن تابىلىپ جاتىر. قازاقستاندا ەكى جەردە عانا تابىلدى. ءبىرى جامبىل وبلىسى بولسا, ەكىنشىسى وسى وڭتۇستىكتە.
كىتاپتىڭ ەكىنشى تومى ەرتەگىلەرگە, تاعى ءبىر تومى مايداننان كەلگەن حاتتارعا ارنالعان. ايتالىق, ايگىلى فولكلوريست ءارى ەتنوگراف اۋباكىر ديۆاەۆ پەن تاشكەنت مۇعالىمدەر سەمينارياسىنىڭ وقىتۋشىسى بولعان يا. ءليۋشتىڭ بۇرىن باسپا بەتىن كورمەگەن ەرتەگىلەرى العاش جاريالانعان. سونداي-اق, بۇل ەڭبەكتە كۇنگەي ءوڭىردىڭ تاريحي-مادەني ەسكەرتكىشتەرى, تابيعاتى, ەكونوميكا دا جان-جاقتى قامتىلعان», دەيدى.
باقتيار تايجان.
دەرەك, سۋرەت: egemen.kz