شىمكەنت. 22 اقپان. ورداباسى اۋدانىنا قاراستى امانگەلدى اۋىلىنان التى جاستاعى بالانى بەلگىسىز ايەل بەلگىسىز جاققا الىپ كەتكەن. بۇل تۋرالى اۋداندىق ءىىب-نىڭ مالىمەتىنە سىلتەمە جاساعان egemen.kz ءتىلشىسى حابارلادى.
امانگەلدى اۋىلىنان بالا جەتەكتەگەن ايەلدى كولىگىنە وتىرعىزعان تاكسيستىڭ ايتۋى بويىنشا, بەيتانىس ايەل تاياق تاستام جەردەگى اۋدانعا اپارۋعا قالىپتاعىدان ءتورت ەسە ارتىق اقشا تولەگەن. اۋدان ورتالىعىنداعى ايەل تۇسكەن جەردە كولىك كوپ. شىمكەنتكە دە, اۋەجايعا دا توقتاۋسىز جۇرەدى.
سودان بەرى ءبىرىنشى سىنىپتا وقيتىن مۇحامەدتەن حابار جوق. سىنىپتاستارىنىڭ ايتۋى بويىنشا, بەيتانىس تولىق ايەل مۇحامەدتى ءوز اتىمەن شاقىرىپ العان. پوليتسيالار الگى ايەلدىڭ كۋاگەرلەر انىقتاماسى بويىنشا فوتوروبوتىن جاساعان. ەلۋدەن مول اسقان كۇدىكتىنىڭ دەرەگى ىزدەستىرىلىپ جاتىر. ۇرلانعان بالانىڭ ونىڭ شاقىرۋىنا سەلت ەتپەي, ىلەسكەنىنە قاراعاندا بۇل وتباسىعا تانىس بولۋى دا ابدەن مۇمكىن.
وڭتۇستىك قازاقستان ءىىب-ءنىڭ پوليتسەيلەرى مۇحامەدتىڭ سۋرەتى مەن ايەلدىڭ نوبايىن جاساپ, حابارلاندىرۋ بەردى. بايلانىس تەلەفوندارى: 8-701-716-64-64, 8-705-869-99-99, 8-777-186-22-88, (8-72-530) -2-14-13 نەمەسە 102.
باقتيار تايجان.
دەرەك, سۋرەت: egemen.kz