قاراعاندى. 22 اقپان. قاراعاندى قالاسىندا تەاترالنايا دەگەن كوشەگە ۇلى وتان سوعىسىنىڭ ارداگەرى تيىشبەك احانوۆتىڭ ەسىمىن بەرۋ تۋرالى ماسەلە قارالىپ جاتىر. بۇل تۋرالى nv.kz سايتىنا سىلتەمە جاساعان egemen.kz ءتىلشىسى حابارلادى.
تيىشبەك احانوۆ ەكىنشى دۇنيەجۇزىلىك سوعىسىندا ورتالىق مايدانداعى 953 اتقىشتار پولكىنىڭ قۇرامىندا نەمىس-فاشيست باسقىنشىلارىنا قارسى ەرلىكپەن سوعىسقان. بەيبىت زاماندا باسشى قىزمەتتەر اتقارىپ, ەلىنە ەڭبەگى سىڭگەن تۇلعا, قوعام قايراتكەرى.
جالپى, قازاقستاندا 2015 جىلدان بەرى كوشە, اۋدان, ىقشام اۋدان, ەلدى مەكەندەردىڭ باسقا دا بولىكتەرىنىڭ اتاۋلارىن وزگەرتۋگە ماروتوري جاريالانعان بولاتىن. بۇل جەردە تەك ۇلى وتان سوعىسى ارداگەرلەرىنىڭ ەسىمدەرىن بەرۋگە عانا رۇقسات ەتىلگەن. مۇنداي باستامانى بيلىك ورىندارى بىلتىر – ۇلى جەڭىستىڭ 70 جىلدىق مەرەيتويىن اتاپ وتكەندە قولداعان بولاتىن.
كوشە اتاۋىن وزگەرتۋ تۋرالى جاريا تىڭدالىم 24 اقپان كۇنى وتەدى.
قايرات ءابىلدينوۆ.
دەرەك, سۋرەت: nv.kz.
.