پاۆلودار. 16 اقپان. ەل كۋبوگى ءۇشىن وتكەن قىسقى راللي-ءسپرينتى جارىسىنىڭ 2 كەزەڭى ءوتتى. قاتىسۋشىلار جوعارى جىلدامدىق, تراسسانىڭ كەزدەيسوق بۇرىلىستارىنانا ءساتتى ءوتىپ, اۋا رايىنىڭ قۇبىلۋىنا قاراماي قىزۋ باسەكەلەستىك كورسەتتى. جارىستىڭ بولىپ وتكەنى جايىندا «پەگاس» كومانداسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
«سامۇرىق-2016» راللي-ءسپرينتىنىڭ 2 كەزەڭىنە قاتىسۋعا استانا, قاراعاندى, كوكشەتاۋ, پاۆلودار, وسكەمەن, سەمەي جانە ومبىدان 47 ەكيپاج كەلدى. جارىس جاڭا ماۋسىمدا 10 كاتەگوريادا ءوتتى. ولاردىڭ ەكەۋى جاڭا – Junior جانە ICE PRO. «ستاندارت تولىق جەتەكتى», «ستاندارت ارتقى جەتەكتى», «ستاندارت الدىنعى جەتەكتى», «سامۇرىق-Junior – تولىق جەتەكتى», «سامۇرىق-Junior – الدىنعى جەتەكتى», «سامۇرىق-Junior – ارتقى جەتەكتى», ءابسوليۋتتى ەسەپ جانە «ICE PRO مونو» (بۇدىرى 1.5 مم سپورتتىق جىڭىشكە دوڭگەلەك), «ICE PRO تولىق جەتەكتى», «ابسوليۋت ICE PRO». ەلوردالىق №76 ەكيپاجدىڭ كومانداسى - پيلوت اندرەي امەلين مەن شتۋرمان دارحان ەلۋباەۆ ءۇشىن ەكىنشى كەزەڭ ءساتتى ءوتتى. ەكىنشى ۋاقىتتى №77 ەكيپاج كورسەتتى. قاراعاندىلىقتار – ماچكاليان بوريس/ميرزوەۆ سەيمۋر. «ICE PRO تولىق جەتەكتى» جانە «ابسوليۋت ICE PRO» اتتى جاڭا كلاستاردا, ەكيپاج امەلين/ەلۋباەۆ ەكىنشى ورىنعا تۇراقتادى. ولار مارە سىزىعىنا №9 ەكيپاج مۇشەلەرى سانجار وماروۆ پەن رۋسلان جۋباسوۆتان 1 مينۋت 10 سەكۋندقا قالىپ جەتتى. ال كوماندالىق ەسەپتە «پەگاس» كومانداسى ەكى كۇندىك تارتىس ناتيجەسىندە «ستاندارت» جانە «ICE PRO تولىق جەتەك» جارىستارىندا ءبىرىنشى ورىنعا يە بولدى. كوماندا قۇرامىندا اندرەي امەليننىڭ ەكيپاجى دا بار. جارىستى ۇيىمداستىرۋشىلار – «Sport Racing Club» مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتىنە, اۆتوموتو سپورت فەدەراتسياسىنا, پاۆلودار قالاسىنىڭ اكىمدىگىنە العىس بىلدىرەدى.
ەندى «سامۇرىق-2016» راللي-ءسپرينتىنىڭ سوڭعى كەزەڭى ناۋرىز ايىندا استانادا وتەدى.
فاريدا بىقاي.
دەرەك, سۋرەت: egemen.kz.