جامبىل وبلىستىق وڭىرلىك تەلەكوممۋنيكاتسيا قىزمەتىندە قازاقستان رەسپۋبليكاسى پارلامەنتى ءماجىلىسى مەن جەرگىلىكتى ءماسليحاتتار سايلاۋلارىنا ارنالعان بريفينگ ءوتتى. وعان سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ ايماقتىق فيليالىنىڭ باسشىسى پاريدا مامەدوۆا قاتىسىپ, ساياسي ناۋقان – سايلاۋدىڭ زاڭ اياسىندا ءوتۋى دەموكراتيالىق ۇدەرىستەردىڭ اشىقتىعىن كورسەتەتىنىن اتاپ ءوتتى.
– بيىل پارلامەنت ءماجىلىسى مەن جەرگىلىكتى ءماسليحاتتار سايلاۋلارى وتكەلى وتىرعاندىقتان, دايىندىق شارالارى دا قىزۋ قولعا الىندى. كوميسسيا بارلىق كانديداتتارعا تەڭدەي جاعداي جاسالۋىن قامتاماسىز ەتۋ ءۇشىن جۇمىس ىستەيتىن بولادى. كوميسسيانىڭ مىندەتى – سايلاۋدا كەزدەسەتىن قۇقىق بۇزۋشىلىقتاردىڭ الدىن الۋ. كوميسسيا مۇشەلەرى بايقاۋشىلاردى ارنايى وقىتۋ سەمينارلارى مەن ترەنينگتەر وتكىزەدى. وبلىستىڭ بارلىق سايلاۋ ۋچاسكەلەرىندە 400-دەن استام بايقاۋشى جۇمىس ىستەيتىن بولادى. باستى قويىلاتىن تالاپ – «Cايلاۋ تۋرالى» زاڭدى ءبىلۋ. سونىمەن قاتار, ارنايى ادىستەمەلىك قۇرالدار, جادناما جانە حاتتاما ۇلگىسى كەلتىرىلگەن بايقاۋشى كۇندەلىگى دايىندالدى. بايقاۋشى قويىن كىتاپشاسى داۋىس بەرۋ باستالىسىمەن جانە اياقتالعاندا تولتىرىلاتىن حاتتامادان تۇرادى. فيليال كەڭسەسى جۇمىستى ۇزدىكسىز جۇرگىزەدى. دەمالىس كۇندەرى ارنايى كەزەكشىلىك ۇيىمداستىرىلادى, – دەدى پ.مامەدوۆا.
ودان ءارى ول قوعامدىق كوميسسيانىڭ ايماقتىق فيليالى جۇمىسىنىڭ ءۇش كەزەڭنەن تۇراتىنىن ەسكە سالىپ, بارلىق قوعامدىق ۇيىمدارمەن جانە ازاماتتارمەن ارىپتەستىك قاتىناس ورناتاتىندارىن جەتكىزدى. سايلاۋدىڭ ءادىل جانە حالىقارالىق تالاپتارعا ساي ءوتۋىن قاداعالاپ, اقپاراتتاندىراتىن كورىنەدى.
بريفينگ بارىسىندا سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ وبلىستىق فيليالىنىڭ مۇشەسى البينا تاپاەۆا دا ساياسي ناۋقاندى ءوتكىزۋ تۋرالى ءوز ويىمەن ءبولىستى. كوميسسيا تاراز قالاسى, سۇلەيمەنوۆ كوشەسى №7 ۇيدەگى تاراز مەملەكەتتىك ۋنيۆەرسيتەتى باس عيماراتىنداعى 3-قاباتتىڭ 302-ءبولمەسىنە ورنالاسقان. 50-17-21 سەنىم تەلەفونى جۇمىس ىستەيدى.
ەل ومىرىندەگى اسا زور ساياسي ناۋقانعا بايلانىستى جۋرناليستەر وزدەرىن تولعاندىرىپ جۇرگەن سۇراقتارىن قويىپ, جاۋاپتار الدى.
ورالحان ءداۋىت,
«ەگەمەن قازاقستان».
جامبىل وبلىسى.