كوكشەتاۋ. 16 اقپان. اقمولا وبلىسى قىلمىستىق ىستەر جونىندەگى مامانداندىرىلعان اۋدانارالىق سوتى ادام ءولتىردى دەگەن ايىپ تاعىلعان ازاماتتىڭ ءىسىن قاراپ, ونى 14 جىلعا باس بوستاندىعىنان ايىرۋ جازاسىن بەردى. بۇل تۋرالى وبلىستىق سوت ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
سوت انىقتاعانداي, سپيرتتىك ىشىمدىكتى ءىشۋ كەزىندە ازامات ت. پەن تانىسى ەكەۋى ءوزارا سوزگە كەلىپ, ارتىندا جانجالداسىپ قالعان. بۇعان ولاردىڭ بۇرىن ارالارىنداعى بولعان كيكىلجىڭدى ەسكە الىپ, ءبىر-بىرلەرىنە كىنا ارتۋلارى الىپ بارعان. وسى ۇرىس-كەرىستىڭ بارىسىندا باستالىپ كەتكەن توبەلەستە ت. بوتەلكەلەسىن ۇرىپ جىعىپ, اياعىمەن اياۋسىز سوققىلاعان. وسىدان كەيىن ەشقانداي قارسىلىق كورسەتە الماعان تانىسىن باسىنان ۇرا باستايدى. وسى سوققىلاردىڭ ناتيجەسىندە تانىسى وقيعا ورنىندا قايتىس بولادى.
سوت ۇكىمىمەن ازامات ت. قىلمىستىق كودەكستىڭ 96-بابى, 2-بولىگىمەن («ادام ءولتىرۋ») كىنالى دەپ تانىلىپ, وعان قاتاڭ رەجيمدەگi تۇزەۋ كولونياسىندا 14 جىل مەرزىمگە وتىرۋ جازاسى تاعايىندالدى. بۇدان باسقا, ودان جابىرلەنۋشىنىڭ پايداسىنا 3 000 000 تەڭگە مورالدىك زيان ءوندىرىلىپ الىندى.
سوت ۇكىمى زاڭدى كۇشىنە ەنگەن جوق.
باقبەرگەن امالبەك.
دەرەك, فوتو: اقمولا وبلىستىق سوتى ءباسپاسوز قىزمەتى.