بۇگىن ۋەفا چەمپيوندار ليگاسىنىڭ پلەي-وفف كەزەڭى باستالادى

استانا. 16 اقپان. بۇگىن فۋتبولدان ۋەفا چەمپيوندار ليگاسىنىڭ پلەي-وفف كەزەڭى باستالادى. بۇل تۋرالى egemen.kz ءتىلشىسى حابارلادى. وسى اپتادا اتالعان كەزەڭنىڭ 4 ويىنى وينالادى. بۇگىن پورتۋگاليانىڭ «بەنفيكاسى» ءوز الاڭىندا رەسەيدىڭ «زەنيت» كومانداسىن قابىلداسا, فرانتسيانىڭ پسج-سى انگليانىڭ «چەلسيىمەن» سىنعا تۇسەدى. ال ەرتەڭ بەلگيانىڭ «گەنت» كومانداسى مەن گەرمانيانىڭ «ۆولفسبۋرگى», سونداي-اق, يتاليانىڭ «روماسى» مەن يسپانيانىڭ «رەالى» (مادريد) ءتۋرنيردىڭ 1/8 فينالىنداعى العاشقى كەزدەسۋلەرىن وتكىزەدى. بۇگىنگى ماتچتار استانا ۋاقىتىمەن ساعات تۇنگى 01:45-تە باستالادى. پسج – «چەلسي» ويىنىن قازاقستاندىق ON-TV (بۇرىنعى «تاڭ») تەلەارناسى تىكەلەي ەفيردە كورسەتەدى. 1/8 فينالداعى قالعان 4 ويىن كەلەسى اپتادا وينالادى. اتاپ ايتقاندا, 24-25 اقپان كۇندەرى «ارسەنال» (انگليا) – «بارسەلونا» (يسپانيا), «يۋۆەنتۋس» (يتاليا) – «باۆاريا» (گەرمانيا), «دينامو» (كيەۆ, ۋكراينا) – «مانچەستەر سيتي» (انگليا) جانە پسۆ (نيدەرلاندى) – «اتلەتيكو» (يسپانيا) كوماندالارى كۇش سىناسادى. قارىمتا كەزدەسۋلەر 8-9 جانە 15-16 ناۋرىز كۇندەرى وتەدى. ەلامان قوڭىر. دەرەك: egemen.kz. سۋرەت: shahta.org.