كوكشەتاۋ. 16 اقپان. كوكشەتاۋدا بەلگىلى جازۋشى, بۇرىنعى كوكشەتاۋ وبلىستىق «كوكشەتاۋ پراۆداسى» گازەتىنىڭ باس رەداكتورى, وبلىستىق پارتيا كوميتەتىنىڭ حاتشىسى جانايدار ءمۋسيننىڭ 80 جىلدىعى كەڭىنەن اتاپ ءوتىلدى. بۇل تۋرالى egemen.kz ءتىلشىسى حابارلادى.
قوعام قايراتكەرىن ەسكە الۋ ونىڭ اتىنداعى قازاق پەداگوگيكالىق كوللەدجىندە باستالىپ, ءۇيىنىڭ قابىرعاسىنا ىلىنگەن تاقتا الدىندا جالعاستى. شاحمەت قۇسايىنوۆ اتىنعى قازاق دراما تەاترىنداعى «كوسەم ءسوزدىڭ كەمەل جۇيرىگى» اتتى عىلىمي-پركتيكالىق كونفەرەنتسيانى اقمولا وبلىسى اكىمىنىڭ ورىنباسارى نۇرلان نۇركەنوۆ اشىپ, ءوڭىر باسشىسى سەرگەي كۋلاگيننىڭ قۇتتىقتاۋىن جەتكىزدى.
كونفەرەنتسيادا قازاقستان رەسپۋبليكاسى پارلامەنتى سەناتىنىڭ دەپۋتاتى, جازۋشى جابال ەرعاليەۆ «ماڭگىلىكتىڭ ادامى», «سولتۇستىك قازاقستان» گازەتىنىڭ ديرەكتورى كارىباي مۇسىرمان «مۋسين مەكتەبىنىڭ تۇلەكتەرى», جازۋشى تولەگەن قاجىباي «ارداق تۇتار ازامات», ج.مۋسين اتىنداعى كوللەدج ديرەكتورى, ءبىلىم بەرۋ ءىسىنىڭ ۇزدىگى احات نۇرتاس «تۇلعا تۇعىرى», ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ دوتسەنتى امانجول ەسماعۇلوۆ «كورىكتى كوكشە داڭقىن كوپكە جايعان...» تاقىرىبىندا ءسوز سويلەسە, قالامگەردىڭ شاكىرتتەرى سايلاۋ كوشكەنوۆ, قايىرباي تورەعوجا, باقبەرگەن امالبەك ەستەلىكتەرىمەن ءبولىستى.
تەاتر زالىنا لىق تولعان جۇرتشىلىق جانايدار مۋسين اتىنداعى پەداگوگيكالىق كوللەدجدىڭ وقىتۋشىسى مانشۇك تۇرلىبەكقىزىنىڭ جازۋشى شىعارمالارىنا ديسكۋرستىق تەرەڭ زەرتتەۋ جۇرگىزگەنىنە ءتانتى بولدى. بۇل بۇگىنگىدەي كىتاپقۇمارلاردىڭ ازايعان كەزدەگى كوركەم شىعارمالاردى وقۋدىڭ جاڭا نۇسقاسى بولىپ تابىلادى.
مىنە, كوكشە جەرى ءوز ۇلانىنىڭ مەرەيلى جاسىن وسىلاي دۇركىرەتىپ وتكىزدى. كوكشە دەسە, ونىڭ اسقاق تاۋلارىمەن ەسىمى قاتار اتالاتىن جانايدار ءمۋسيننىڭ دە شىعارماشىلىق جانە قايراتكەرلىك سيپاتى وسىلاي ءوز وقىرمانىمەن ۇنەمى بىرگە بولماق. بىراق, ابزال اعانىڭ ءوزى جوق, ونىڭ ءسوزى جەتتى بىزگە. عافۋ قايىربەكوۆشە ايتساق:
«جانايدار, جانايدار!» – دەپ جان داۋىسىم,
جاڭعىرتىپ تۇرادى ۇزاق ءار تاۋ ءىشىن.
ياپىر-اۋ, قايران ساباز قايدا كەتتىڭ,
مەن تۇگىل, جەل توقتايدى, تارتادى ءىشىن», دەپ تۇرعانداي.
باقبەرگەن امالبەك.
دەرەك, سۋرەت: egemen.kz.