قازاقستان 11-12 اقپاندا ميۋنحەندە وتكەن سيريانى قولداۋشى حالىقارالىق توپ (سقحت) قاتىسۋشىلارىنىڭ كەزدەسۋى قورىتىندىلارىن تولىعىمەن قولدايدى. قورشاۋداعى ايماقتارعا گۋمانيتارلىق ءدالىزدىڭ اشىلۋى تۋرالى شەشىمدى جانە مەملەكەتتىڭ بارلىق ايماعىنداعى سوعىس ارەكەتتەرىن توقتاتۋ شارتتارىن ءبىر اپتا ىشىندە انىقتاۋدى سيرياداعى قاقتىعىستى رەتتەۋدەگى ەلەۋلى ءارى ءۇمىتتەندىرەتىن ۇدەرىس جانە وسى ەلدەگى گۋمانيتارلىق اپاتتى ەڭسەرۋ جولىنداعى شەشۋشى قادام رەتىندە قاراستىرامىز.
قول جەتكىزىلگەن ۋاعدالاستىقتاردىڭ سقحت-نىڭ بارلىق قاتىسۋشىلارى تاراپىنان بۇۇ قاۋىپسىزدىك كەڭەسىنىڭ 2254-قارارى رۋحىندا دايەكتى جانە ءسوزسىز جۇزەگە اسىرىلۋى سيرياداعى قانتوگىستىڭ ەڭ جۋىق ارادا توقتاۋىنا جانە ەلدە قالىپتى جاعدايدىڭ قايتا ورناۋىنا ىقپال ەتەتىندىگىنە سەنىمدىمىز.